“ESC CARRAL 4 YOUR FUTURE!” NOVO PROXECTO DE VOLUNTARIADO EUROPEO DA OMIX DE CARRAL!

“ESC CARRAL 4 YOUR FUTURE!”. Ese é o nome do novo proxecto de voluntariado que está desenvolvendo a OMIX de Carral.

Este proxecto, que este ano pasa a estar financiado polo Corpo Europeo de Solidaridade, conta con tres entidades, Comune di Prato (Italia), a Fundación Cross Culture International (Malta) e o propio Concello de Carral.

A partir do mes de setembro enviaremos dous voluntarios/as, un/ha a Prato e outro/a a Malta, durante un período de seis meses, e recibiremos asemesmo un/ha voluntario/a de cada un de estes paises.

Todos/as os mozos/as interesados/as en facer este voluntariado, teñen todos os gastos pagos, xa que reciben uns cartos para a manutención, dispoñen do aloxamento totalmente gratuíto, e ademais recibirán 160 € mensuais para os seus gastos persoais. Tamén se lles da 275 € para o billete de España/Italia – Italia/España, e 360 € para o billete España/Malta – Malta/España.

O único requisito para poder ser voluntario/a é ter entre 18 e 30 anos, e acudir a unha sesión informativa que organizaremos e anunciaremos nas vindeiras semanas. Non é necesario ter ningún tipo de formación específica.

As actividades que o /a voluntario/a tería que facer, serían:
– Prato, Italia: desenvolver actividades de voluntariado ao longo de estes 6 meses (setembro 2019 – marzo 2020) na Oficina Xuvenil municipal local, con tarefas como apoio á organización en talleres e actividades para a xuventude e colaboración na preparación de materiais e recursos específicos multiculturais e multimedia.
– Paola, Malta: tamén durante 6 meses (setembro 2019 – marzo 2020), realizará en diversos centros escolares, campañas de sensibilización contra o comercio de persoas, e no centro Youth Hub (Floriana) desenvolvemento de campañas extracurriculares para nenos migrantes.

Se estas interesado/a en participar neste proxecto, ou se precisas mais información podes chamar a OMIX (Casa da Cultura, 981.67.25.80) no Local da Xuventude (r/ Alcalde Juan Seijas, 8, baixo, tlfn 981.11.70.20) ou contactar con nos a través do correo electrónico omix@carral.es

Imaxe 1

/by

INFÓRMATE DA CAMPAÑA DE VERÁN DA XUNTA NA OMIX DE CARRAL

O luns 22 de abril saíu publicada no DOGA a CAMPAÑA DE VERÁN da Xunta para este ano, destinada a rapaces e rapazas de entre 9 e 17 anos.

A CAMPAÑA DE VERAN da Xunta, trátase dun programa de actividades de carácter lúdico, cultural, deportivo e formativo durante os meses de xullo e agosto, de diferente días de duración e en diferentes lugares da xeografía galega e doutras comunidades autónomas.

O prazo para presentar as solicitudes para participar nesta campaña remata o 7 de maio, e podes consultar as bases, as datas e os prezos dos campamentos en www.xuventude.net, ou pasándote pola OMIX (oficina municipal de información xuvenil – Casa da Cultura, teléfono 981.67.25.80), ou no Local da Xuventude (r/ Alcalde Juan Seijas, nº 8, baixo, teléfono 981.11.70.20) de 16 a 20 h. de luns a venres. Tamén a través do correo electrónico omix@carral.es

Imaxe (cartel)

/by

AXUDAS A PARTICULARES PARA A COLOCACIÓN DE PANEIS SOLARES

O Instituto Enerxético de Galicia publica no:

– DOG nº67 do mércores 5 de xaneiro de 2019

Axudas a particulares para paneis solares

PRAZO: DO 15 DE ABRIL AO 1 DE XULLO, AGÁS QUE SE PRODUZA ESGOTAMENTO DE CRÉDITO.

Máis información no servizo de Medio Ambiente do Concello ou no teléfono 981670002.

AnuncioG0474-020419-0001_gl

AnuncioG0474-210219-0002_gl

AnuncioG0474-210219-0003_gl

/by

AXUDAS AO ESTUDO PARA ESTUDANTES EMPADROADOS EN CARRAL

Hoxe 5 de abril publicaronse as bases reguladoras das axudas ao estudo do Concello de Carral para o curso 2018/2019.

Destinaranse 10.000 euros a axudas para estudantes matriculados en:

Educación infantil

Educación postobrigatoria/formación profesional básica

Educación universitaria

Os requisitos, formularios e documentación necesaria poden obtelo no seguinte enlace ou no Edificio Toñito Espiñeira 981613520.

Bases

/by

22 de marzo

Día Mundial da Auga 2019

aforro auga 2019

/by

PROPOSTA DO TRIBUNAL DE SELECCIÓN DE PERSOAL PARA A CONTRATACIÓN DUN/HA EDUCADOR/A SOCIAL

Publícase o anuncio do tribunal de selección de persoal coa proposta ao Sr. alcalde da aspirante con maior puntuación para cubrir o posto de educadora social, a xornada completa, para o departamento de Servizos Sociais.

Confíreselles a todos os interesados un prazo de dous días hábiles para reclamacións ou alegacións.

anuncio tribunal (2)

/by

RELACIÓN DEFINITIVA CANDIDATOS/AS ADMITIDOS/AS E EXCLUÍDOS/AS, NOMEAMENTO DO TRIBUNAL E LUGAR, DÍA E HORA DA ÚLTIMA FASE DO CONCURSO PARA EDUCADOR/A SOCIAL

No día de hoxe, 22 de febreiro de 2019, o sr. alcalde resolveu no decreto 79/2019 a relación definitiva dos candidatos/as admitidos/as e excluídos/as, o designación dos membros do tribunal e o lugar, o día e a hora da útlima fase do concurso (entrevista profesional).

14481_Modelo Decreto

/by

CONVOCATORIA DE CURSOS DE LINGUA GALEGA PREPARATORIOS DAS PROBAS PARA OBTER OS CERTIFICADOS CELGA

No DOG nº35 do 19 de febreiro de 2019 publicouse a resolución da Secretaría Xeral de Política Lingüística onde se anuncia a convocatoria de cursos de lingua galega preparatorios das probas para obter os certificados de lingua galega Celga 1, 2, 3 e 4.

Os cursos que se ofrecen na provincia da Coruña son os seguintes:

Presenciais
.. A Coruña ………………. Celga 2
.. A Coruña ………………. Celga 3
.. A Coruña ………………. Celga 4
.. Ferrol ………………… Celga 2
.. Ferrol ………………… Celga 4
.. Santiago de Compostela ….. Celga 2
.. Santiago de Compostela ….. Celga 3
.. Santiago de Compostela ….. Celga 4

2 Teleformación
.. 3 cursos a nivel Galicia ……. Celga 1
.. 1 curso a nivel A Coruña ….. Celga 3
.. 3 cursos a nivel A Coruña … Celga 4

O prazo para a presentación de solicitudes é de vinte días naturais dende o día seguinte á publicación no DOG desta resolución.

Para máis información poden dirixirse ao servizo de Normalización Lingüística do Concello.

AnuncioG0535-060219-0001_gl

/by

Punto limpo móbil

O punto limpo móbil estará de novo a disposición dos veciños este mes de febreiro o día 22 no Campo da Feira.
Durante o mes de marzo o punto limpo virá a Carral os días 4 e 13

Máis información no servizo de medio ambiente do concello ou no teléfono 981670002

IMG_20190213_101749

/by

RELACIÓN PROVISIONAL DE CANDIDATOS/AS ADMITIDOS/AS E EXCLUÍDOS/AS NO PROCEDEMENTO DE SELECCIÓN DUN/HA EDUCADOR/A SOCIAL

No día de hoxe, dezaoito de febreiro de dous mil dezanove, o Sr. alcalde deste Concello resolveu aprobar no decreto 73/2019 a relación provisional de candidatos/as admitidos/as e excluídos/as no procedemento de selección dun/ha educador/a social para o departamento de Servizos Sociais.

De acordo co punto 5 das bases outórgaselles aos interesados un prazo de dous días hábiles para reclamacións ou correccións.

14304_Modelo Decreto

/by