Estimular o consumo no tecido económico e promover os recursos turísticos do municipio. Eses son os dous obxectivos de Volve a Carral no Nadal, unha campaña coa que o Concello repartirá 2.000 euros en premios entre a clientela dos establecementos comerciais e hostaleiros adheridos. A concelleira de Comercio, Isabel López Pérez, confía en que a iniciativa sirva “para impulsar e dar a coñecer a ampla variedade de locais que temos tanto en Carral como nas parroquias, así como para estimular o consumo nos mesmos durante as festas”.
A iniciativa estará dispoñible ata o 12 de xaneiro. Ata esa data, as persoas que fagan as súas compras nos establecementos adheridos recibirán un rasca. O consumo mínimo para recibir estes boletos está marcado en 20 euros para todos os tipos de negocio (excepto no caso de bazares, mercerías, farmacias e hostalería, nos que se fixa un mínimo de 5 euros).
En caso de resultar agraciada, a persoa deberá entregar o rasca premiado no Concello, xunto co ticket de compra, ata o 30 de xaneiro. Concederanse dous galardóns de 300 euros, catro de 200 e seis valorados en 100 euros que deberán consumirse, preferiblemente, nos establecementos rexistrados en Volve a Carral no Nadal ou no resto de negocios do municipio.
INFORMACIÓN XERAL SOBRE OS CAMPAMENTOS DEPORTIVOS DE NADAL
DATAS E Nº DE PRAZAS:
– 1ª semana: do 22 ao 26 de decembro (60 prazas)
– 2ª semana: do 29 de decembro ao 5 de xaneiro (60 prazas)
HORARIOS: (luns a venres, excepto festivos)
1. Servizo Madrugadores: 7.30 a 10.00 h *
2. Campamentos: 10.00 a 14.00 h, ESTE HORARIO SERÁ “OBRIGATORIO” PARA TODOS OS NENOS/AS, non podendo nin entregar nin recoller aos nenos/as durante o mesmo salvo excepcións previamente comunicadas.
3. Tempo de Xantar: 14.00 a 16.00 h *
*Nota. Os nenos/as que fagan uso destes horarios deberán traer o seu almorzo ou xantar da casa.
LUGAR:
No recinto escolar do Colexio Vicente Otero Valcárcel – (ubicación: 43.224984, -8.354894) -; pavillón polideportivo cuberto, pista polideportiva descuberta, zona axardinada, patio escolar cuberto, comedor escolar, aula psicomotricidade)
DESTINATARIOS:
1. Para nenos/as dende Educación Infantil (dende 3 anos) e toda a Educación Primaria.
PREZO: 30 €/semana (consultar condicións dos campamentos)
+ 9,25 €/semana pola opción de madrugadores/tempo de xantar.
OBSERVACIÓNS NA INSCRICIÓN:
- Prazo entre o 11 (09:00 h) e o 18 de decembro (12:00 h).
- Prazas limitadas (60/semana).
- CRITERIOS DE ADXUDICACIÓN DAS PRAZAS:
– Por orde de inscrición ou ata esgotar a oferta.
– Preferencia aos empadroados/as en Carral ou matriculados nos centros educativos da localidade.
4. Publicación das listaxes: 15 de decembro (pago do 16 ao 22 de decembro)
Máis info na Casa da Cultura (981.67.25.80) ou en casadacultura@carral.es
O Concello de Carral resultou beneficiario da subvención solicitada á Consellería de Política Social e Igualdade.
Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).
Este programa está financiado pola Consellería de Política Social e Igualdade e polo Ministerio de Igualdade.
O Concello involucrará aos veciños, veciñas e comerciantes na ambientación do municipio durante as festas de Nadal. Farao co lanzamento do seu concurso de decoración de fachadas, balcóns, xanelas e xardíns en vivendas e comercios. Tal e como explica a concelleira de Turismo e Comercio, Isabel López, o obxectivo “é facer partícipe á cidadanía e ao tecido comercial na ambientación do concello durante estas datas sinaladas”.
O concurso contará con varias categorías: unha para casas (fachadas e xardíns de vivendas unifamiliares), outra para apartamentos, pisos, áticos e dúplex (podendo decorarse as fachadas, balcóns e/ou a porta de entrada da vivenda ou os corredores) e unha última para comercios (para decorar escaparates e o interior do establecemento).
En cada apartado un primeiro premio (cesta con produtos de Nadal valorada en 95 euros), un segundo (cesta con produtos de Nadal valorada en 80 euros) e un terceiro (cesta con produtos de Nadal valorada en 60 euros).
Un xurado encargarase de analizar as propostas participantes e entregar os galardóns teniendo en cuenta os seguintes aspectos: creatividade, orixinalidade, a elaboración propia, o uso da iluminación como foco de atracción e de materiais reciclables.
O certame está aberto á participación de calquera propietario ou arrendatario de vivendas ou negocios no municipio (tanto no ámbito urbano como no rural). As persoas interesadas deberán inscribirse desde mañá, venres 5 de decembro, ata o 15 de decembro utilizando a ficha de participación dispoñible na páxina web municipal e entregándoa, xunto cunha copia do DNI, no rexistro municipal e na sede electrónica.
Podes consultar as bases do concurso aquí.
O Concello de Carral organiza o “Concurso de decoración de vivendas e comercios polo Nadal 2025”, unha iniciativa promovida desde a concellería de Cultura, Turismo e Comercio que ten coma fin recoñecer a creatividade das veciñas e veciños do nosos municipio ao tempo que se fomenta o espírito de Nadal e se embelece o noso municipio.
Prazo de presentación solicitude.
- Desde o día seguinte da publicación das bases no BOP da Coruña ata o 15 de decembro (incluido).
Lugar de presentación.
- Telemáticamente na sede electrónica do concello de Carral (dirección web)
- No rexistro municipal (Casa do Concello).
Documentación.
- Anexo I
- Copia D.N.I
- Copia D.N.I. da persoa representante se procede
Prazo presentación fotografías e/ou video.
- Do 16 ó 18 de decembro.
- Enviar 4 fotografías e/ou 1 vídeo a omix@carral.es.
- Indicar no correo electrónico o nome do/a participante.
Máis información.
- OMIX Carral (Local interxeracional. R/ Alcalde Juan Seijas, nº8, baixo) ou Casa da Cultura (r/ Paleo 17)
- Teléfono e whatsapp 674.793.475 ou 981.67.25.80
- Correo electrónico: omix@carrales ou casadacultura@carral.es
O Concello volverá estimular o consumo no tecido hostaleiro do municipio co lanzamento dunha nova edición de Tapeando Carral. O certame celebrarase entre o 5 e o 8 de decembro, coincidindo cos festivos e como antesala ás festas de Nadal e contará coa participación de 11 establecementos: Boca Grande, Bar Tropezón, Casa Adolfo, Do Pincho Panadería & Docería, Vinoteca Taberna XXI, Restaurante Terra, Taberna Lume e Ferro, Casa Roel, O’ Lareiras, A Parola e Costa da Égoa. Así, nesta convocatoria contarase con representación de negocios do núcleo urbano, pero tamén das parroquias de Tabeaio, Sergude, Cañás e Beira.
A concelleira de Cultura, Turismo e Comercio, Isabel López, confía en alcanzar e mesmo superar “as cifras de asistencia das edicións anteriores e, sobre todo, en que esta iniciativa sirva para seguir dando a coñecer a ampla oferta hostaleira que temos no municipio”.
Premios
Como en edicións anteriores, haberá premios para os establecementos e tamén para o público. Os hostaleiros poderán optar aos galardóns de tapa máis popular, elixida polos propios clientes, e ao de mellor tapa, outorgado por un xurado profesional que terá en conta aspectos como os seguintes: presentación, sabor, orixinalidade, emprego de produtos locais e tamén de tempada, orixinalidade do prato, servizo e orixinalidade do nome do prato.
En canto aos do público, haberá sorteos de agasallos para os clientes en función do número de selos que consigan reunir. A persoa participante terá que cubrir o cupón cos diferentes selos e depositalo nas urnas que estarán situadas nos establecementos. Haberá un primeiro premio que se sorteará entre as persoas que teñan o 100% de selos, un segundo para as que teñan o 75% e un terceiro para as que conten cun 50% de distintivos. O gañador/a de o primeiro premio recibirá, por exemplo, o seu peso en cervexa e haberá outros agasallos como experiencias e produtos gastronómicos.
A iniciativa está organizada polo Concello e conta coa colaboración de Estrela Galicia, Coca-Cola, Jamones y Embutidos Elote e Bodegas de Viño, que proporcionarán os galardóns do público.
O Concello de Carral contrata, durante nove meses a xornada completa, a unha persoa moza inscrita como beneficiaria no Sistema Nacional de Garantía Xuvenil, no ámbito da Comunidade Autónoma de Galicia.
O obxecto da contratación é proporcionarlle unha experiencia e práctica profesional que facilite a súa inserción laboral. Para iso, o Concello foi beneficiario dunha subvención outorgada pola Consellería de Emprego, Comercio e Emigración, cofinanciada pola Unión Europea no marco do Programa FSE+Galicia 2021-2027. O obxectivo desta contratación é apoio administrativo nos departamentos de Administración xeral deste Concello.
O Concello abrirá o próximo luns, 1 de decembro, o prazo de inscrición para os seus campamentos deportivos de Nadal. Trátase dunha medida coa que o goberno local reafirma o seu compromiso coa conciliación das familias do municipio durante os períodos non lectivos. O programa estará dispoñible en dúas quendas, a primeira do 22 ao 26 de decembro, e a segunda do 29 de decembro ao 5 de xaneiro. En total, ofreceranse 120 prazas para nenos e nenas de entre 3 a 11 anos (con reserva dun 10% para pequenos con necesidades educativas especiais).
En canto ao horario, o campamento desenvolverase de 10.00 a 14.00 horas. Con todo, as familias que o desexen poderán pedir o servizo de madrugadores (de 7.30 a 10.00 horas) e de comida (de 14.00 a 16.00 horas), ampliándose así a franxa de atención. A actividade realizarase nas instalacións do CEIP Plurilingüe Vicente Otero Valcárcel (pavillón, patio cuberto, comedor e aula de psicomotricidade).
O período de solicitude estará dispoñible ata o venres, 12 de decembro, a través da sede electrónica (procedemento de inscrición en actividades de conciliación) e do rexistro municipal. En ambos casos será necesario entregar o formulario dispoñible nas dependencias municipais, na páxina web e na sede.
O Concello volverá achegar a paixón pola música, o teatro, o cine e a lectura aos nenos e nenas. Todo grazas á nova edición de Papeques, un programa que arrincará este sábado, 29 de novembro, e que se prolongará ata o 18 de decembro. En total, serán seis as actividades que se levarán a cabo, cada unha cun rango de idade específico.
A primeira proposta terá lugar este sábado, 29 de novembro, ás 18.00 horas no Edificio Social Toñito Espiñeira. Ese día, Pakolas aterrará no municipio con A Ramona pequena vai á lúa (para maiores de 2 anos). Na función, unha máquina do tempo leva a Ramona á súa infancia, cando era unha nena movida por constantes inquedanzas e cunha mente esperta e imaxinativa.
A seguinte actividade será o xoves, 4 de decembro, ás 18.00 horas coa proxección de Una familia de superhéroes na Casa da Cultura (para maiores de 4 anos). O filme relata a historia de Hedvig e de como a súa vida dá un xiro cando ten a oportunidade de asumir o papel de supeheroína da cidade e substituír ao seu pai. O único problema é que é torpe, algo preguiceira, non está en forma e gústalle máis xogar aos videoxogos que asumir o papel de salvadora. Pero cando o seu pai elixe o curmán Adrián para que sexa o próximo superheroe, Hedvig dáse conta de que ten que reaccionar.
Teatro dos Gazafelhos, de Monstros no Camiño, tomará a remuda o venres, 5 de decembro, ás 18.00 horas no local Xente Nova de Tabeaio. A función, dirixida para maiores de 6 anos, conta a historia de tres investigadores de Europa do leste que viaxaron polo camiño de Santiago para desmontar os mitos dos seres ou fenómenos locais. Ao longo da representación, os protagonistas farán un simposio para amosar os resultados da súa aventura.
Kyoki, de Elefante Elegante, será a seguinte proposta de Papeques. A función escolar terá lugar o xoves, 11 de decembro, ás 12.00 horas no local Xente Nova de Tabeaio. Trátase dun espectáculo sen palabras que aborda temáticas como o esquecemento, da vellez e da soidade.
Pérez & Fernández levarán ao municipio Nanai da China o venres, 12 de decembro, ás 18.00 horas ao Xente Nova de Tabeaio (maiores de 5 anos). A obra conta a historia de Nanai, unha nena que naceu nunha noite sen lúa. Os seus veciños e veciñas rexéitana desde o seu nacemento e por pura superstición.
A última proposta do calendario será un contacontos que correrá a cargo de Trinketrinke Teatro e o seu Familia diversas (xoves, 18 de decembro, ás 18.00 horas na biblioteca da Casa da Cultura). Os Ratos de Lonxetodo volven á instalación municipal para descubrir coas nenas e nenos que as familias non sempre son iguais pero que sempre son o mellor que temos. A actividade está pensada para cativos e cativas de entre 4 e 8 anos.
Papeques está organizado pola Concellería de Cultura de Carral en colaboración coa Rede Cultural da Deputación da Coruña e con Dinamiz-ARTj, do Instituto para a Transición Xusta a través da Fundación Ciudad da Enerxía-CIUDEN.
Máis información en https://carral.es/papeques-2025/.
a medida de
confinamento de explotacións para a prevención e control do contaxio de gripe aviar, segundo a
cal se adoptarán as seguintes medidas em toda España:
O Concello de Carral publica un bando sobre a prevención e control do contaxio de gripe aviar segundo a información publicada polo Ministerio de Agricultura, Pesca y Alimentación no BOE 273 do xoves, 13 de novembro.
O alcalde, José Luis Fernández Mouriño, propoñerá destinar o POS+Adicional (2ª fase) da Deputación da Coruña ao proxecto de humanización dunha parcela situada nas inmediacións da igrexa de San Vicente de Vigo. Farao nun pleno extraordinario que se celebrará hoxe, xoves 13 de novembro, ás 20.00 horas. Tal e como avanza o rexedor, a contía provincial destinarase á creación dun aparcamento na contorna e á dotación dun espazo libre cunha zona verde axardinada que se integrará á área de xogos existente. As intervencións realizaranse nun terreo cedido no ano 2019 tras o convenio asinado entre o actual rexedor e o Arcebispado de Santiago.
Grazas ao acordo alcanzado co Arcebispado, o Concello puido construír ese mesmo ano un parque infantil na zona. Agora, o primeiro edil prevé completar os servizos da contorna coa dotación dunha nova zona de estacionamento e de espazo para uso recreativo e esparexemento veciñal.
Para lograr estes obxectivos, o proxecto municipal incluirá a xeración de dúas plataformas. A inferior usarase como aparcamento, facilitando o acceso e a estancia de vehículos sen interferir coas áreas peonís. A superior concibirase como un espazo libre con zonas axardinadas. Dada a amplitude e configuración de ambas as áreas, o espazo poderá acoller festas patronais e outros eventos. O orzamento ascende aos 96.000 euros (IVE incluído).
