Gustaríavos coñecer o parque eólico das Encrobas? Este domingo, 17 de outubro ás 10.30 horas no Marco das Eiras realizarase unha andaina de 2 km pasando polos distintos puntos onde está prevista a instalación de aeroxeneradores.
A actividade está organizada pola Asociación Salvemos o Val de Barcia e o Monte Xalo en colaboración co Concello de Carral.
https://carral.es//wp-content/uploads/2021/10/andaina-carral.jpg16001131prensahttp://carral.es//wp-content/uploads/2022/11/logo1.pngprensa2021-10-13 18:57:122021-10-13 18:57:55ANDAINA POLO PARQUE EÓLICO DAS ENCROBAS
O Concello viviu hoxe, luns 11 de outubro, o pistoletazo
de saída do Ciclo de Teatro de Outono, que se celebrará entre o 16 de outubro e
o 11 de decembro. A Casa da Cultura acolleu o acto de presentación desta
edición, que incluirá a representación de oito obras de teatro a cargo de
varias compañías de renome. Na inauguración tomaron parte o alcalde, Javier
Gestal, o deputado de Cultura, Xurxo Couto, membros do goberno local e
representantes das agrupacións que se subirán ao escenario ao longo do
programa.
Durante a súa intervención, o rexedor incidiu en que a organización deste ciclo supón “seguir apostando pola promoción da cultura, un compromiso que este goberno mantivo mesmo tras a irrupción da pandemia da covid-19”.
Este ano, o programa incluirá sete funcións
dirixidas a público adulto e unha ao familiar. Gloria nacional, de Teatro
do Noroeste, inaugurará o calendario o sábado, 16 de outubro. A obra conta a
historia de Uxío Rodas, un escultor e pintor considerado como unha auténtica “gloria
nacional” polo seu traballo. Porén, despois de que lle encarguen unha escultura
monumental, o autor entrará nunha fonda crise creativa.
Crónica dunha heterosexual insatisfeita a cargo de Verdeveras (23 de outubro) tomará o relevo convidando ás persoas asistentes a reflexionar sobre as normas e parámetros preestablecidos que facemos propios sen sequera pensar se hai outra opción diferente. Unha semana despois (30 de outubro), Ainé chegará ao municipio con Coleccionistas. Trátase dunha comedia didáctica, unha clase de arte chea de humor na que o público asistente terá un papel do máis participativo.
Novembro arrincará con Dúas pedras no camiño
da man de Mofa e Befa (6 de novembro). En palabras da propia compañía, é un
espectáculo antolóxico de pezas míticas que se manteñen na memoria do público.
O título xoga coas alusións á música popular a á súa filosofía, que nos lembra
que unha pedra no camiño pode ser algo que nos ensine e nos transforme.
De seguido, o 20 de novembro, Ibuprofeno Teatro subirá
á escena para representar O mel non caduca, protagonizada por dous científicos/apicultores
que tratan de crear sinteticamente unha abella a partir do último tarro de mel
que se conserva na historia.
Contraproducións terá a ocasión de conquistar á
veciñanza carralesa o 27 de novembro con A compañeira de piso, na que se
tratan os temas de idade, muller e identidade dun xeito fresco e divertido.
A lúa vai encuberta chegará o 4 de decembro a
Carral a cargo de Incendiaria e A Quinta do Cuadrante. Este espectáculo relata
a historia da realidade de Galicia e da loita incesante por conformar unha
identidade propia, enfrontándose, para iso, ao seu pasado recente e ás súas
contradicións. A obra acaba explicando as razóns de porque Galicia ten os
rasgos políticos, sociais e económicos que a caracterizan. Este traballo recibiu
o segundo premio do certame Manuel María de proxectos teatrais que convoca a
Casa Museo Manuel María.
Patapatum de Elefante Elegante pechará,
o 11 de decembro, a nova edición do Ciclo de Teatro de Outono. Trátase dunha
obra visual dirixida ao público infantil e familiar a partir dos 4 anos. Patapatum
é unha reflexión sobre o tempo, a crianza e sobre como enchemos os baleiros
das nosas ausencias.
Agás no caso de Coleccionistas, todos os
espectáculos levaranse a cabo a través da Rede Cultural da Deputación da Coruña.
En todos os casos, as propostas levaranse a cabo seguindo un estrito protocolo
de seguridade pola covid-19. O aforo será limitado, polo que será preciso reservar
os convites antes do venres previo á función. Para facelo, as persoas
interesadas deberán chamar ao teléfono 981 67 25 80.
https://carral.es//wp-content/uploads/2021/10/presentacion_ciclo_teatro_outono_carral11.jpg19552910prensahttp://carral.es//wp-content/uploads/2022/11/logo1.pngprensa2021-10-11 13:59:322021-10-11 13:59:35O CONCELLO PROGRAMA OITO FUNCIÓNS PARA VECIÑOS DE TODAS AS IDADES A TRAVÉS DO SEU CICLO DE TEATRO DE OUTONO
Este pasado mércores a OMIX (oficina municipal de información xuvenil), levou a vinte nenas e nenos a Humor Amarelo.
Ao largo de case dúas horas puidemos realizar as diferentes probas que hai nestas instalación en Feáns. Organizados por equipos as/os participantes fixeron combates de sumo, de paos de espuma, ou carreiras de dragóns. Tamén pasaron por diferentes percorridos de obstáculos onde mostraron a sua axilidade e destreza, facendo que pasásemos unha tarde moi entretida e divertida, e que, vendo a cara das nenas e nenos e o regreso en autobús a Carral, parece que quedaron moi satisfeitas /os.
Agradecervos o voso, coma sempre, impecable comportamento e esperamos que participedes e nos acompañedes nas vindeiras actividades que organicemos desde o departamento de xuventude! Arigatōgozaimashita!
https://carral.es//wp-content/uploads/2021/10/IMG_20210929_182744_1.jpg31204160chichohttp://carral.es//wp-content/uploads/2022/11/logo1.pngchicho2021-10-01 16:50:092021-10-01 16:52:39AS NENAS E NENOS DE CARRAL EN HUMOR AMARELO!
Máis de 20 participantes percorreron este sábado parte do noso Concello.
Esta actividade, organizada pola OMIX (oficina municipal de información xuvenil) que se enmarca dentro do programa “Patea Carral” e que pretende descubrir e poner en alza o valor natural e patrimonial do noso concello, levou a un grupo de veciñas e veciños por distintas parroquias do noso municipio.
Comenzamos no centro da vila e adentramonos no veciño concello de Abegondo hacia a parroquia de Veira por fermosos sendeiros, ata chegar os coñecidos muiños da Costa da Égoa, zona que o concello adecentou hai poucas datas.
Seguimos despois pola beira do río Barces pasando por lugares practicamente descoñecidos pola maioria das/os participantes ata atoparnos coa igrexa de Santiago de Sumio. Desde alí encaramos o regreso ó campo da feira, pasando polo pazo de Vilasuso e pola parroquia de Quembre.
Un total de 17 km, que aínda que en ocasións foron duros, podemos afirmar que foron moi satisfactorios, por unhas ou outras razóns, para todas e todos os que participaron nesta actividade.
Participantes de Patea Carral nos muiños da Costa da Égoa
https://carral.es//wp-content/uploads/2021/09/RRSS-3.jpeg20001124chichohttp://carral.es//wp-content/uploads/2022/11/logo1.pngchicho2021-09-28 19:24:552021-09-28 20:23:00DESCUBRINDO O NOSO CONCELLO
Quizais algúns ou algunhas de vos non o recordaredes pero Humor Amarelo era
un programa de televisión nos que os/as participantes intentaban superar
probas de axilidade e habilidade.
Pois desde a OMIX (oficina municipal de información xuvenil) organizamos
unha saída a estas instalacións, para a mocidade de entre 8 e 17 anos.
Será o día 29 de setembro, saíndo desde o local Interxeracional (r/ Alcalde
Juan Seijas, nº8, enfronte ó CEIP Vicente Otero Valcarcel) ás 16:30 e
regresando ó mesmo lugar ás 20:00 h.
O prezo e de 10 €, e tes ata o 24 de setembro para anotarte, para o que
deberás enviarnos a autorización da nai/pai por whatsapp ó 674.793.475, ou por
correo electrónico a omix@carral.es.
Importante:
Recomendase levar roupa comoda e outra para cambiarse.
Avisaremosvos de cando teñades que facer o pago.
Se o tempo non acompaña cambiarase a actividade para outro día.
Unha vez máis a OMIX (oficina municipal de información xuvenil), organiza un roteiro de “Patea Carral”, nesta ocasións polos muíños da Costa da Égoa.
O 25 de setembro, sábado, realizaremos esta andaina desde o centro do pobo ata os muíños, pasando por diferentes parroquias, ata chegar a este fermoso paisaxe que temos no noso concello.
A actividade organizada para maiores de 13 anos, comezará desde o campo da feira as 9:30 h. ata chegar os muíños onde poderemos ver estas 14 construcións nas que, desde o século XVIII, as xentes do noso municipio e de outros limítrofes acudían para moer o gran co que despois farían o noso prezado produto, o pan. Aproximadamente 15 km, facendo que este roteiro teña unha dificultade media-moderada. O regreso será ó campo da feira sobre as 14:30.
Para participar nesta actividade, gratuíta, deberas remitirnos por whatsapp ó 674.793.475 ou ó correo electrónico omix@carral.es a folla de inscrición ou autorización no caso de menores de idade. O prazo para facelo é ata o 22 de setembro.
Recomendase levar calzado axeitado, auga, algo para comer e viseira no caso de que faga bo tempo, ou chuvasqueiro no caso de que chova.
https://carral.es//wp-content/uploads/2021/08/Nova-páx.-web-imaxe.png225225chichohttp://carral.es//wp-content/uploads/2022/11/logo1.pngchicho2021-09-14 18:57:212021-09-14 19:55:02PATEA CARRAL: ROTEIRO POLOS MUIÑOS DA COSTA DA ÉGOA.
A OMIX (oficina municipal de informacion xuvenil) botache unha man, se o precisas, para solicitar as axudas para obter o permiso de conducir! (Clase B e clase C).
O 13 de agosto saiu esta convocatoria, e os requisitos para solicitala son:
– Estar inscrito/a no SNGX (Sitema Nacional de Garantia Xuvenil.
– Ter feitos os 18 anos e non superar a idade máxima que estableza a normativa vixente do Sistema nacional de garantía xuvenil.
– Levar empadroado/a en Galicia mínimo un ano.
– Estar matriculado/a nunha autoescola de Galicia no momento de presentar a solicitude ou ben ter o/os permiso/s para o/os cales se solicita a axuda con data de expedición entre o 1 de xaneiro de 2021 e a data de presentación da solicitude.
A solicitude deberás presentala a través da sede electrónica https://sede.xunta.gal, co DNI electrónico ou ca Chave 365. O prazo de presentación de solicitudes será de un mes, contado a partir do día seguinte ao da publicación desta orde no Diario Oficial de Galicia.(13 agosto 2021).
https://carral.es//wp-content/uploads/2021/09/Cartel-1.jpg600600chichohttp://carral.es//wp-content/uploads/2022/11/logo1.pngchicho2021-09-03 08:43:002021-09-03 09:15:16AXUDAS PARA OBTER O PERMISO DE CONDUCIR
O Concello de Carral iniciará este venres, 3 de setembro, a oitava edición do seu ciclo ‘Noites de monólogo’, que leva a cabo no local Xente Nova de Tabeaio. Todos os monólogos serán ás 21 horas e a encargada de inaugurar o ciclo este venres é Carmen Méndez con ‘Outras químicas’. O vindeiro venres, 10 de setembro, será a quenda para Quico Cadaval con ‘Vacas, guerras, porcos e cregos’. O venres 17 Paula Carballeira con ‘Mulleres que viven soas’. Seguirá Sergio Pazos, o venres 24, con ‘Contaxiándonos de humor’ e, por último, o sábado 25, Pepo Suevos clausurará o ciclo con ‘Falade galego, rapazada… é unha pasada!!!’. Para asistir a estes espectáculos é necesario reservar entrada previamente na Casa da Cultura, teléfono 981 672 580.
https://carral.es//wp-content/uploads/2021/09/Cartel-noites-de-monólogo-2021.jpg35172481prensahttp://carral.es//wp-content/uploads/2022/11/logo1.pngprensa2021-09-02 18:31:162021-09-02 18:32:11O CONCELLO INICIA ESTE VENRES A OITAVA EDICIÓN DO SEU CICLO ‘NOITES DE MONÓLOGO’
Hoxe presentouse na Deputación da Coruña a IV edición do Premio de Fotografía ‘Manuel Ferrol’. Unha convocatoria organizada pola Asociación Cultural ‘Cultura Aberta’, coa colaboración do Concello de Carral, apoiada pola área de Cultura provincial, que se recupera tras o paréntese do pasado ano por mor da crise sanitaria e da que se agarda que sexa refrendada cunha alta participación.
Participaron no acto o concelleiro de Cultura de Carral, Francisco Bello, a secretaria da Asociación Cultural ‘Cultura Aberta’, Noemia Moar, o deputado de Cultura, Xurxo Couto, e o membro do xurado, Víctor Echave.
Francisco Bello asegurou que “é un orgullo que as asociacións do concello se involucren activamente en iniciativas culturais” e puxo en valor a recuperación desta convocatoria. Tamén lembrou que coa selección dos traballos presentados se conformará unha exposición que poderá visitarse no Campo da Feira de Carral.
O concurso de fotografía nace, en palabras de Noemia Moar, para “reivindicar a figura e a obra dun fotógrafo representativo de toda unha época da cultura galega”. A secretaria da Asociación Cultural ‘Cultura Aberta’ indicou que desde a entidade que representa traballan coa vontade de converter este premio “nun referente no mundo da fotografía a nivel de todo o Estado”.
O deputado de Cultura, Xurxo Couto, enmarcou o apoio da Deputación da Coruña a este certame na “filosofía de apoiar e visibilizar a obra de fotógrafos e fotógrafas actuais que, esperamos, se convirtan no equivalente ao ‘Manuel Ferrol’ do século XX”, na liña de “crear unha iconografía propia da nosa época actual”. Xurxo Couto salientou “a importancia capital que a fotografía e os fotógrafos, principalmente na segunda metade do século XX, tiveron na formación do patrimonio cultural do noso país”, e concretamente o peso específico de Manuel Ferrol “que non só documentou un dos dramas máis profundos do país, como foi a emigración, senón que tamén soubo trasladar unha gran sensibilidade artística ás súas imaxes e crear unha poética da vida cotiá daquel momento”. Un aspecto ao que tamén se referiu Víctor Echave, en nome do xurado do certame, quen non dubidou en cualificar a Manuel Ferrol como “un icono e un mito da fotografía do século XX”.
As bases do certame están dispoñibles tanto na
páxina web como nas contas de redes sociais da Asociación Cultural ‘Cultura
Aberta’ e o prazo de presentación de traballos permanecerá aberto ata o 17 de
decembro. As obras que xa foran presentadas no ano pasado (na edición que
finalmente non se celebrou) pasarán automaticamente a concurso. En edicións
anteriores a participación sitúase ao redor do medio cento de traballos
presentados.
A temática dos traballos deberá versar sobre
retrato, reportaxe e tradición, e o xurado está composto por cinco profesionais
da fotografía: María Messeguer, Xoán Piñón, Victor Echave, Nacho Romero e Ángel
Cordero.
https://carral.es//wp-content/uploads/2021/09/FERROL-1.jpg24323600prensahttp://carral.es//wp-content/uploads/2022/11/logo1.pngprensa2021-09-01 18:17:592021-09-01 21:10:38REGRESA O PREMIO DE FOTOGRAFÍA MANUEL FERROL, CON VONTADE DE CONSOLIDARSE COMO REFERENTE
A Xunta de Galicia, baixo o lema “Re-posiciona o teu negocio”, pon en marcha a segunda edición do proxecto formativo #AutónomosDixitais dirixido prioritariamente a autónomos/as en activo ou autónomos/as cuxo negocio cesou os últimos meses e desexan retomar a súa actividade. Con novas datas de comezo en setembro, hai novas prazas, accesibles para desempregados/as sen límite de idade.
Este proxecto inclúe dous cursos en liña de 50 horas de duración cada un e orientados a mellorar o grao de dixitalización dos emprendedores galegos:
>>> Especialista en e-commerce. Dirixido a persoas con experiencias profesionais ou formación previa en comercio electrónico.
Esta formación está 100% subvencionada, e non ten ningún custo económico para as persoas participantes, impártese en modalidade online e conta con diploma avalado pola Xunta de Galicia ao finalizar.
Para aclarar calquera dúbida ou solicitar praza, tamén estarán dispoñibles as seguintes canles:
https://carral.es//wp-content/uploads/2021/08/cartel-fundamentos-creacion.jpg24801754prensahttp://carral.es//wp-content/uploads/2022/11/logo1.pngprensa2021-08-31 18:31:432021-08-31 18:31:46FORMACIÓN 100% GRATUÍTA DA XUNTA PARA AUTÓNOM@S: NOVAS DATAS – ACCESO PARA DESEMPREGADOS
Para ofrecer las mejores experiencias, utilizamos tecnologías como cookies para almacenar y/o acceder a la información del dispositivo. El consentimiento para estas tecnologías nos permitirá procesar datos como el comportamiento de navegación o identificaciones únicas en este sitio. No dar su consentimiento o retirarlo puede afectar negativamente a ciertas características y funciones.
El almacenamiento o acceso técnico sea estrictamente necesario con el fin legítimo de posibilitar la utilización de un determinado servicio expresamente solicitado por el abonado o usuario, o con la única finalidad de efectuar la transmisión de una comunicación a través de una red de comunicaciones electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estadísticas
The technical storage or access that is used exclusively for statistical purposes.El almacenamiento o acceso técnico que se utilice exclusivamente con fines estadísticos anónimos. Sin una citación, el cumplimiento voluntario por parte de su proveedor de servicios de Internet o registros adicionales de un tercero, la información almacenada o recuperada solo con este propósito generalmente no se puede usar para identificarlo.
Marketing
El almacenamiento técnico o el acceso son necesarios para crear perfiles de usuario para enviar publicidad o rastrear al usuario en un sitio web o en varios sitios web con fines de marketing similares.