CARRAL, ESCENARIO DA VINDEIRA XORNADA DO CICLO PROVINCIAL ‘A CULTURA É UN DEREITO’

Coincidindo co 25 aniversario do Premio de Poesía, a Casa da Cultura de Carral acollerá mañá, xoves 9 de xuño, a xornada ‘Os certames de poesía como motores dunha literatura propia’. A proposta, organizada pola Deputación da Coruña e en colaboración co Concello, está englobada dentro do ciclo provincial ‘A Cultura é un Dereito’. A actividade contará coa presenza do alcalde, Javier Gestal, do deputado de Cultura, Xurxo Couto, e do concelleiro de Cultura de Carral, Francisco Bello. Con esta accción búscase reunir a editores e editoras, entidades convocantes de certames e autores/as gañadores de diversos premios e poesía de Galicia.

O programa da xornada comezará arredor das 10.30 horas coa inauguración e coa presentación do estudo ‘Os certames de poesía en Galicia: unha análise das convocatorias actuais’, a cargo do técnico de Cultura de Carral e presidente da Asociación Galega de Profesionais da Xestión Cultural, Carlos Lorenzo. Tanto ás 11.30 como ás 13.00 horas, está prevista a celebración de dúas mesas redondas. A primeira será sobre editoriais (‘A edición de poesía premiada’) e a segunda sobre autores e autoras galardoados (‘Chámome poeta e preséntome a concursos’).

A quenda de tarde comezará coa presentación dos Premios de Poesía do Concello de Carral e o Miguel González Garcés da Deputación da Coruña (ás 16.00 horas), e continuará coa conferencia ’25 anos da poesía galega’ a cargo de Yolanda Castaño (16.30 horas). A xornada rematará coa mesa redonda sobre ‘O futuro dos premios de poesía’ (17.15 horas).

Tras a clausura, terá lugar o concerto ‘Treides comigo!’ de Xoán Curiel na piscina municipal de Carral.

 

/by

O 29 DE XUÑO A OMIX LÉVATE Ó AQUAPARK

O 29 DE XUÑO A OMIX LEVATE Ó AQUAPARK

Coma ven sendo habitual, a OMIX (oficina municipal de información xuvenil) de Carral, organiza una excursión ó Aquapark de Cerceda para o mércores 29 de xuño.

A saída farémola desde o local Interxeracional ás 11:30 h. e regresaremos ao mesmo lugar ás 19:30 h.

Para anotarte a esta actividade para rapaces e rapazas de entre 8 e 17 anos deberás enviar por correo electrónico a omix@carral.es, ou por whatsapp ó 674.793.475, a autorización que poderás atopar, aquí na mesma web, así coma no Facebook e no Instagram da omix_carral.

A excursión ten un custo de 8 euros pero avisarémoste do pago. Aínda que o prazo é ata o 27 de xuño, non te retrases, xa que as prazas son limitadas.

Xa para o propio día, as indicación que vos damos e que levedes a comida, protección solar, toalla, gorra e sandalias.

 

/by

PATEA CARRAL DE VISITA Á DEPURADORA DE CAÑÁS!

Nesta ocasión a OMIX (oficina municipal de información xuvenil), lévavos a coñecer unha parte do noso patrimonio arquitectónico facendo unha visita á centenaria depuradora que temos no noso concello, e a facer un roteiro principalmente pola parroquia de Cañas, dentro do programa Patea Carral.

Será o día 18 de xuño, sábado, saíndo do campo da feira ás 9:30 h. e regresando arredor das 14:00 h.

Esta actividade destinada a maiores e 12 anos terá unha lonxitude de 12 km. a dificultade é baixa, e as recomendación as de sempre, auga, algo para comer, calzado axeitado, e chuvasqueiro.

O prazo para anotarse remata o xoves 16 de xuño e para elo tes que enviarnos a inscrición/autorización por Whatsapp ó 674.793.475 ou por e-mail a omix@carral.es, e  que atoparás no Facebook da omix_carral, na paxina web do concello (carral.es) ou no noso Instagram, omix_carral. A patear!

/by

O CONCELLO INICIA AS OBRAS PARA REMATAR AS BEIRARRÚAS INACABADAS NA RÚA SOUTO DE CASTIÑEIROS

O Concello iniciou, esta semana, as obras para concluír as beirarrúas inacabadas na rúa Souto de Castiñeiros. O alcalde, Javier Gestal, sinala a “importancia” destas actuacións, coas que se “reforzará a seguridade viaria nesta rúa, pola que pasan, a diario, os alumnos e alumnas do IES de Carral”.

Con estas intervencións, o equipo de goberno finiquitará o proxecto iniciado polo anterior goberno local e que quedara inconcluso.

Para terminar estes traballos, o rexedor negociou coas persoas propietarias dos terreos, que concederon o permiso necesario para construír estas sendas. A execución destes traballos terá un custo duns 30.000 euros procedentes das arcas municipais.

/by

PEL-CONCELLOS: RESULTADOS DO TRIBUNAL CUALIFICADOR PARA A CONTRATACIÓN DE TRES ALBANEIS E UN ELECTRICISTA.

Publícase a acta do tribunal cualificador para a contratación de tres albaneis e un electricista (oficiais de segunda) ao abeiro do Programa de axudas á contratación de persoal para a execución de obras e servizos municipais nos concellos da provincia (liña 1.1 PEL-CONCELLOS 2022) da Excelentísima Deputación da Coruña.

 

Outórgaselle a todos os aspirantes un prazo de dous días hábiles para reclamacións.

 

Máis información no departamento de Recursos Humanos do Concello.

 

ACTA.doc (1)

/by

CARRAL MANTÉN A SÚA APOSTA POLA CONCILIACIÓN E OFRECE UNHAS 300 PRAZAS PARA OS SEUS CAMPAMENTOS URBANOS DE VERÁN

O goberno local de Carral mantén a súa aposta pola conciliación e ofertará unhas 300 prazas para a próxima convocatoria dos campamentos de verán. O programa celebrarase ao longo de todo o período estival en tres quendas con temáticas ben diferenciadas: a primeira centrarase no deporte, a segunda na aprendizaxe do inglés e, na última, o medio ambiente será o gran protagonista.

O concelleiro de Servizos Sociais, Cultura, Deportes, Xuventude e Participación Cidadá, Francisco Bello, apunta que o obxectivo “é darlle á veciñanza máis facilidades a prol da conciliación da vida familiar e laboral durante a época estival”. Precisamente, para conseguilo, o Concello ampliou, na última edición, os horarios de atención, podendo os nenos e nenas permanecer no recinto desde as 7.30 ata as 16.00 horas.

Os campamentos están dirixidos a rapaces e rapazas de 3 a 15 anos, e celebraranse no recinto do CEIP Vicente Otero Valcárcel (pavillón, pista polideportiva, patio cuberto, etc.) e no local interxeracional, sito a poucos metros do centro de ensinanza.

A rapazada terá a posibilidade de entrar no recinto desde as 7.30 horas. Entre a hora de entrada e as 10.00 horas terá lugar o programa Madrugadores, entre as 10.00 e as 14.00 horas realizaranse as propias actividades e, de 14.00 a 16.00 horas, será a hora do xantar.

A 1ª quenda terá lugar entre o 27 de xuño e o 15 de xullo. As persoas interesadas poderán anotarse entre o 1 e 20 de xuño, podendo achegar a documentación a través do correo electrónico casadacultura@carral.es.

/by

PEL-CONCELLOS: ADMITIDOS E EXCLUÍDOS DEFINITIVAMENTE, NOMEAMENTO TRIBUNAL E FIXACIÓN DO DÍA E DA HORA DA ÚLTIMA FASE DO CONCURSO DE SELECCIÓN

Por decreto da alcaldía do 26 de maio de 2022 resolveuse elevar a definitiva a listaxe provisional de candidatos/as admitidos/as presentados para os postos de albaneis e electricista por non existiren candidatos excluídos así como nomear o tribunal cualificador e fixar o día e a hora da última fase do concurso de selección.

 

O que se fai público para xeral coñecemento dos/as intereseados/as

 

Modelo Decreto (5)

/by
,

SUBVENCIÓNS PARA A TRANSFORMACIÓN DIXITAL E MODERNIZACIÓN DO SECTOR COMERCIAL E ARTESANAL

Prazo: 24/05/2022 – 23/06/2022

Obxecto
As subvencións reguladas por estas bases teñen por obxecto a concesión de subvencións para a transformación dixital e modernización do sector comercial e artesanal. O procedemento de concesión destas subvencións tramitarase en réxime de concorrencia competitiva e quedará suxeito ao réxime de axudas de minimis

A quen vai dirixido?
As persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas.

Requisitos
Poderán ser beneficiarias das subvencións, sen prexuízo de reunir os demais requisitos establecidos nestas bases e sempre que nas persoas solicitantes non concorra algunha das circunstancias previstas no artigo 10 da Lei 9/2007, do 13 de xuño, de subvencións de Galicia, as persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas que, en todo caso, cumpran ademais os seguintes requisitos:

1. Comerciantes retallistas:
a) Que desenvolvan a súa actividade comercial en Galicia, que o domicilio social radique na Comunidade Autónoma, que non teñan a consideración de grande establecemento comercial segundo a normativa aplicable e que cumpran os requisitos establecidos legalmente para exercer a actividade. No caso de comerciantes que realicen a actividade comercial en liña, deberán ter o domicilio social na Comunidade Autónoma de Galicia.
b) Que, tendo a condición de peme conforme os requisitos establecidos pola Comisión Europea no Regulamento da Unión Europea 651/2014 (DOUE 187, do 26 de xuño), teñan un número de empregados/as igual ou inferior a vinte (20), incluídas as persoas en situación de autoemprego.
c) Que estean dados de alta nalgunhas das epígrafes do IAE que se relacionan no anexo II e III e que esta constitúa a actividade principal da persoa solicitante. No caso de que a actividade principal sexa unha actividade das epígrafes relacionadas no anexo III, deberá estar dado de alta nalgunha actividade comercial relacionada no anexo II.
d) Que desenvolvan a actividade comercial nun establecemento comercial cunha superficie de exposición e venda igual ou inferior a 300 metros cadrados, agás que a actividade comercial se encadre na epígrafe 653.1 do IAE.

2. Obradoiros artesáns:
Que estean inscritos no Rexistro Xeral de Artesanía de Galicia. En caso de novos obradoiros, poderán solicitar a inscrición no dito rexistro ata o último día do prazo establecido para a presentación de solicitudes.
Non poderán ser beneficiarias destas axudas: as empresas en crise, conforme a definición prevista no artigo 2 número 18 do Regulamento (CE) nº 651/2014, do 17 de xuño de 2014, polo que se declaran determinadas categorías de axudas compatibles co mercado interior en aplicación dos artigos 107 e 108 do Tratado (DOUE 26.6.2014, L 187/1), nin aquelas persoas que, tendo sido beneficiarias do procedemento CO300C, renunciasen ou perdesen o dereito ao cobramento da subvención no ano 2021.

Normativa
Ámbito Autonómico
Orde do 22 de abril de 2022 pola que se establecen as bases reguladoras para a concesión, en réxime de concorrencia competitiva, de subvencións para a transformación dixital e modernización do sector comercial e artesanal e se procede á súa convocatoria para o ano 2022 (DOG nº 98 do 23 de maio de 2022).

Ligazón a normativa
https://www.xunta.gal/dog/Publicados/2022/20220523/AnuncioG0596-020522-0008_gl.html

/by

APERTURA PRAZO PARA SOLICITAR AXUDAS AO ESTUDO DO CONCELLO DE CARRAL CURSO 2021/2022

O Concello de Carral ten por obxetivo establecer axudas complementarias para a financiación parcial de gastos ocasionados pola adquisición de libros de texto, material escolar, gastos de comedor escolar, transporte por estudos e gastos por pago de tasas e matrículas do alumnado matriculado en estudos durante o curso académico 2021/2022.

 

BENEFICIARIOS:

Estando empadroados/as no concello de Carral, as persoas que se atopen nalgunha/s das circunstancias seguintes:

  1. a) Estudantes de 2.º ciclo de educación infantil que cursen os seus estudos durante o curso 2021/2022 en centros de carácter oficial, públicos ou concertados.
  2. b) Estar matriculados/as en calquera curso dos estudos de educación postobrigatoria (ciclos formativos, bacharelato ou similares) durante o curso 2021/2022 nun centro de carácter oficial, público ou concertado.
  3. c) Estar matriculados/as na formación profesional básica durante o curso 2021/2022 nun centro de carácter oficial, público ou concertado.
  4. d) Estar matriculados/as durante o curso 2021/2022 en calquera curso das seguintes ensinanzas universitarias do sistema universitario español realizados en centros españois, públicos ou privados, con validez no territorio nacional: ensinanzas conducentes a títulos oficiais de Grao ou Mestrado/Máster (non Doutoramento); ensinanzas universitarias conducentes aos títulos oficiais de Licenciado/a, Enxeñeiro/a, Arquitecto/a, Diplomado/a, Mestre/a, Enxeñeiro/a Técnico/a e Arquitecto/a Técnico/a.

 

PRAZO:

Do 25 de maio ata o 14 de xuño tedes para presentar a documentación para solicitar axudas ao estudo relativas ao curso 2021/2022

 

SOLICITUDES:

Os anexos de solicitude podedes atopalos xunto coas bases  no boletin do 8 de abril. Tamén dispodes delas  no concello ou no Edificio Toñito Espiñeira.

Entregar pola sede electrónica ou no rexistro municipal.

 

COMPATIBLE COAS AXUDAS DO MINISTERIO DE EDUCACIÓN.

 

Modelo solicitude axudas ao estudo curso 2021/2022

Bases reguladoras axudas ao estudo curso 2021/2022

/by