Servizo de Atención Temperá da agrupación de concellos de Abegondo, Bergondo e Carral, dirixido á poboación infantil de 0 a 6 anos, a súa familia e o seu contorno co obxectivo de dar resposta ás necesidades transitorias ou permanentes que presentan os nenos e nenas con transtornos no desenvolvemento ou en risco de padecelos, para facilitar o desenvolvemento da súa autonomía persoal e a inclusión social.

• Ofértanse 40 prazas para afeccionados á patinaxe, que se levará a cabo o sábado 11 de decembro

Un ano máis o Concello de Carral organiza a xa clásica viaxe á pista de xeo (este ano no centro comercial  Marineda City). Mediante esta excursión, que se levará a cabo o 11 de decembro, búscase fomentar a práctica deportiva e achegar novas formas de ocupación do tempo de lecer á poboación máis nova, vinculándoa como sempre coa idea dun hábito deportivo saudable. Para iso o departamento municipal dispón 40 prazas para todos aqueles maiores de 4 anos que lles guste a patinaxe.

O prezo da viaxe é de 8 euros, que inclúe o transporte de ida e volta con monitores (tamén dentro da pista), a entrada á pista de xeo e o alugueiro dos patíns.

A saída iniciarase ao redor das 10.30 horas, momento no que o grupo partirá cara a instalación deportiva na Coruña. Entre as 11 e as 12 horas os participantes poderán gozar da patinaxe sobre xeo.

Para todas aquelas parellas que desexen máis información ou inscribirse, poden facelo ata o 10 de decembro na Casa da Cultura, no teléfono 981.67.25.80 ou no correo electrónico deportes@carral.es.

O Concello de Carral quere que o alumnado do municipio sexa partícipe na elaboración dos decorados de Nadal dos centros escolares e, para iso, organiza un obradoiro de decoración de Nadal con material de refugallo.

A iniciativa, que contará con monitores para axudar aos participantes, terá lugar o mércores 8 de decembro de 16.00 a 20.00 horas nunha carpa instalada no Campo da Feira. O acceso é gratuíto pero é necesaria unha inscrición previa, que poderá facerse ata o 2 de decembro no departamento de Educación a través do correo educacion@carral.es ou do Whatsapp 678 338 872 poñendo nome, apelidos e idade. As prazas cubriranse por rigoroso orde de entrada pero, se quedan ocos, poderán completarse no mesmo día da actividade.

Cada participante poderá levar material de refugallo para traballar con el (rolos de papel, la, cordóns, botóns, botes baleiros, etc.) e despois tamén poderán levar algún obxecto realizado por eles mesmos para a decoración do seu fogar.

Ese mesmo día, a maiores desta actividade, tamén se acenderá a iluminación de Nadal, levarase a cabo un obradoiro de olería e haberá animación musical a cargo do grupo de música tradicional Arnela.