SEGUNDA CONVERSA CON POETAS QUE GAÑARON O PREMIO DE CARRAL

No marco das actividades de conmemoración dos 25 anos do Premio de Poesía Concello de Carral, a Casa da Cultura acollerá este venres a segunda sesión das Conversas con Poetas. A actividade comezará ás 20:00 h.
Nesta ocasión participarán Emma Pedreira, Baldo Ramos e Xosé Luís Mosquera, moderados pola profesora e crítica literaria carralesa Inma Otero, para falar de como influíu nas súas traxectorias o ter conseguido o premio de Carral, cales foron os seus inicios na literatura, en que están a traballar na actualidade…
Para asistir é necesario anotarse previamente na Casa da Cultura chamando ao 981 672 580.

/by

O CONCELLO E OS CENTROS DE ENSINANZA ÚNENSE PARA ENXALZAR A ROSALÍA DE CASTRO DENTRO DA PROGRAMACIÓN POLOS 25 ANOS DO PREMIO DE POESÍA

  • Os rapaces e rapazas do IES de Carral e do CEIP Vicente Otero Valcárcel leron algúns poemas da autora.

O Concello e os centros de ensinanza uníronse, esta mañá, para enxalzar a Rosalía de Castro. Fixérono, non só co gaio do día en honor á escritora, que se conmemora mañá, mércores 23 de febreiro, senón tamén como parte do programa especial polos 25 anos do Premio de Poesía do Concello de Carral.

Deste xeito, a actividade realizouse cun dobre obxectivo: por unha banda, lembrar á Rosalía de Castro, unha das autoras galegas máis prolíferas que cultivou, entre outros xéneros, o da poesía. Pola outra, e co fin de seguir promovendo o certame poético de Carral, déuselles aos mozos e mozas información sobre o Premio, así como sobre as distintas propostas que se levarán a cabo para celebrar o 25 aniversario.

No acto estiveron presentes o alcalde, Javier Gestal, concelleiros e concelleiras do goberno local e alumnos e alumnas do CEIP Vicente Otero Valcárcel e do IES de Carral. O evento contou coa intervención do escritor e investigador e académico da Real Academia Galega, Xosé Luis Axeitos, que acudiu en representación da Fundación Rosalía de Castro. Ao remate, algúns rapaces e rapazas dos centros de ensinanza leron algúns dos poemas da escritora padronesa.

Durante a súa intervención, o rexedor puxo en valor o “papel de Rosalía de Castro, unha das escritoras máis importantes da historia de Galicia”.

/by
,

CONVOCADAS AS AXUDAS PARA PROMOVER ENTRE PEMES E PERSOAS AUTÓNOMAS A IGUALDADE LABORAL, A CONCILIACIÓN E A RSE

Financiaranse con estes apoios a elaboración e contratación de asesores para a implantación de plans de igualdade, o fomento do teletraballo e a aplicación de medidas para a flexibilidade horaria, así como a promoción da RSE ORDE do 29 de decembro de 2021 pola que se establecen as bases reguladoras do Programa de axudas para implantar a igualdade laboral, a conciliación e a responsabilidade social empresarial ( RSE), e procédese á súa convocatoria para o ano 2022 (códigos de procedemento TR357 B, TR357 C e TR357D)

/by
,

APROBACIÓN FINAL DO PLAN MUNICIPAL DE PREVENCIÓN DE INCENDIOS

Logo de aprobarse inicialmente e ser exposto para consulta pública, en cumprimento do establecido no artigo 83 da Lei 39/2015, do 1 de outubro, do Procedemento Administrativo Común das Administracións Públicas (LPACAP en adiante), o Plan Municipal de Prevención e Defensa contra os Incendios Forestais do Concello de Carral foi aprobado definitivamente mediante acordo adoptado en sesión plenaria celebrada en data 8 de febreiro de 2022. O devandito Plan Municipal de Prevención e Defensa contra os Incendios Forestais do Concello de Carral está dispoñible para consulta en formato papel no Concello, en horario de oficina (luns a venres, de 9:00 horas a 14:00 horas), e na sede electrónica do Concello (https://sede.carral.es).

 

PLAN MUNICIPAL DE PREVENCIÓN DE INCENDIOS

/by
, ,

CONVOCATORIA DE AXUDAS PARA A POSTA EN MARCHA DE CASAS DO MAIOR E A CONTINUIDADE DE CASAS DO MAIOR EN FUNCIONAMENTO

Axudas para a posta en marcha de casas do maior e a continuidade de casas do maior en funcionamento, para os anos 2022 e 2023, e se procede á súa convocatoria (códigos de procedemento BS212A e BS212B).

/by

CURSOS PREPARATORIOS PARA AS PROBAS CELGA

A Xunta de Galicia abriu a través da Secretaría Xeral de Política Lingüística a convocatoria para os cursos gratuítos de lingua galega para obter os certificados Celga 1, Celga 2, Celga 3 e Celga 4.

Estas formacións realizaranse con carácter presencial ou en liña e están dirixidas ás persoas maiores de 16 anos interesadas en preparar as probas. Para inscribirse é necesario acceder á web https://formacion-lingua.xunta.gal. O prazo remata o 7 de marzo.

Cada curso terá unha duración de 70 horas lectivas. Nos cursos presenciais, as sesións serán de dúas horas e media de luns a xoves. Se fora necesario suspender algunha clase por coincidir cun festivo local ou por outra circunstancia, esta recuperarase máis adiante.Todas as leccións darán comezo o 21 de marzo.

Acceso á orde completa do Diario Oficial de Galicia: https://bit.ly/3oPpdQ9

/by
,

AXUDAS PARA AS INVERSIÓNS EN TRANSFORMACIÓN E COMERCIALIZACIÓN DE PRODUCTOS AGRARIOS – 2022 GALICIA

AXUDAS PARA AS INVERSIÓNS EN TRANSFORMACIÓN E COMERCIALIZACIÓN DE PRODUCTOS AGRARIOS – 2022 GALICIA

/by

CARRAL FESTEXARÁ O ENTROIDO CUN CONCURSO E DESFILE DE DISFRACES E CON OBRADOIROS INFANTÍS

CARRAL FESTEXARÁ O ENTROIDO CUN CONCURSO E DESFILE DE DISFRACES E CON OBRADOIROS INFANTÍS

Carral volverá festexar o seu Entroido de xeito presencial. Farao mediante a organización dun concurso e dun desfile de disfraces e de obradoiros infantís relacionados con esta festividade. A cita terá lugar o domingo, 27 de febreiro, no Campo da Feira.

O Concello organizará concurso infantil de disfraces (para nenos e nenas de 0 a 12 anos), individuais e por parellas (para maiores de 13 anos e, por último, en grupos (que deberá estar formado por un mínimo de cinco persoas).

Uns 2.000 euros en premios
O Concello repartirá uns 2.000 euros en premios entre todas as categorías. No caso dos disfraces infantís, recibirán agasallo os cinco nenos e nenas que vistan as súas mellores galas entroideiras.

A maiores, o Concello outorgará outros nove premios entre as modalidades individual, por parellas e en grupo. Os galardóns serán os que a continuación se indican:

Categorías individual e por parellas:
1º premio: 150 euros
2º premio: 100 euros
3º premio: 50 euros

Categorías por grupos:
1º premio: 500 euros
2º premio: 300 euros
3º premio: 200 euros

As persoas participantes no concurso tomaran parte no desfile, que arrincará o 27 de febreiro, ás 18.15 horas, no Campo da Feira. Desde este punto de partida, a comitiva pasará polas rúas Víctor Velasco, Manuel Ferrol, Paraíso e pola Avenida dos Mártires para chegar, de novo, ao Campo da Feira. Unha vez remate o percorrido, un xurado encargarase de elixir aos reis e raíñas deste Entroido. Para tomar a decisión, o tribunal terá en conta aspectos como a orixinalidade, a simpatía, o vestiario e a maquillaxe das persoas participantes.

Durante a xornada tamén haberá obradoiros de Entroido, de 16 a 18 horas. O toque musical correrá a cargo unha charanga, que se encargará de amenizar a tarde entroideira.

O prazo de inscrición estará aberto desde o vindeiro luns, día 14, ata o 25 do mesmo mes. As persoas que precisen máis información poderán contactar coa Casa da Cultura no teléfono 981 67 25 80 ou no correo casadacultura@carral.es.

CARRAL FESTEXARÁ O ENTROIDO CUN CONCURSO E DESFILE DE DISFRACES E CON OBRADOIROS INFANTÍS

ENTROIDO CARRAL 2022

Bases-Concursos-Entroido-Carral-2022Descarga
/by

CARRAL REIVINDICA O PAPEL DAS MULLERES DO MUNICIPIO CO II PREMIO 8 DE MARZO

  • Co fin de facer o proceso máis democrático, serán os veciños e veciñas os que elixirán cos seus votos quen é a gañadora do galardón.
  • As persoas interesadas poderán participar nesta iniciativa ata o 28 de febreiro a través da app ‘Cuida Carral’.

Ante o éxito acadado na edición inicial, o Concello porá en marcha a segunda entrega do Premio 8 de marzo, un galardón co que o goberno local busca cumprir un claro obxectivo: darlle visibilidade e pór en valor o papel das mulleres do municipio. Baixo esta premisa, o goberno local busca crear un espazo público de recoñecemento ás mulleres de Carral pola súa contribución en diferentes ámbitos -persoal, social ou profesional-.

Este ano, co fin de facer o proceso máis democrático, o Concello eliminou a figura do xurado, que si estaba presente na primeira edición. Deste xeito, serán os veciños e veciñas os encargados de propoñer ás mulleres e, ademais, elixirán á gañadora do premio 8 de marzo cos seus votos. A candidatura que máis apoio será a gañadora e, polo tanto, a que reciba o galardón.

Como novidade con respecto ao primeiro ano, o Concello introduciu tamén unha importante novidade para simplificar o proceso de presentación de candidatas: nesta segunda edición, a veciñanza poderá facelo a través da app ‘Cuida Carral’, ferramenta pola que poderán, ademais, escoller a súa proposta favorita. Para participar e achegar a súa proposición, os usuarios e usuarias deberán indicar o nome da muller e o motivo da súa elección. O prazo de presentación e votación rematará o 28 de febreiro ás 23.59 horas.

Como broche final de esta iniciativa, realizarase unha homenaxe en recoñecemento á elixida coincidindo coa celebración dos actos institucionais polo Día da Muller.

/by