DECRETO DA ALCALDÍA

ASUNTO: MEDIDAS DO CONCELLO DE CARRAL EN RELACIÓN COA EMERXENCIA DE SAÚDE PÚBLICA CAUSADA POLO VIRUS COVID-19 – REAPERTURA FEIRAS ADAPTADAS ÁS CONDICIÓNS ESTABLECIDAS LOGO DE SUPERARSE A 3ª FASE DA DESESCALADA  PARA A TRANSICIÓN CARA A UNHA NOVA NORMALIDADE (6º DECRETO DA ALCALDÍA-25 DE XUÑO DE 2020).

EXPEDIENTE: 2020/G003/000274

 

Logo de ditarse os meus decretos do 13 e do 16 de marzo para a adopción de medidas do Concello de Carral en relación coa emerxencia de saúde pública causada polo virus COVID-19.

 

Logo de ver, asemade, o meu decreto 193/2020, do 11 de maio, polo que resolvín proceder, dende o 13 de maio de 2020, á reapertura dos mercados tradicionais que desenvolven a súa actividade ao aire libre ou de venda non sedentaria na vía pública (feira ou mercadillo), nos días en que se viñan realizando no Concello de Carral (4, 13 e derradeiro domingo do mes), nas condicións establecidas en tal decreto, de acordo coa Orden SND/399/2020, de 9 de mayo e, no que non se opoña a ela, ás condicións de celebración dos mercados fixadas no artigo 2, apartado 3 da Orde do 23 de marzo de 2020 da Xunta de Galicia.

 

Logo de ver o Real Decreto 463/2020, de 14 de marzo, polo que se declarou o estado de alarma para a xestión da situación de crise sanitaria ocasionada polo COVID-19 (e as súas sucesivas prórrogas, a última das cales abrangue até as 00:00 horas do día 21 de xuño de 2020) , en especial, o establecido no texto vixente do seu artigo 7 con respecto á limitación da liberdade de circulación das persoas.

 

O Real decreto 555/2020, do 5 de xuño, polo que se prorroga o estado de alarma declarado polo Real decreto 463/2020, do 14 de marzo, preveu, no seu artigo 5, que a superación de todas as fases previstas no Plan para a desescalada das medidas extraordinarias adoptadas para facer fronte á pandemia de COVID-19, aprobado polo Consello de Ministros na súa reunión do 28 de abril de 2020, determinaría que quedasen sen efecto as medidas derivadas da declaración do estado de alarma, segundo as decisións das Comunidades Autónomas (artigo 6) consonte criterios sanitarios e epidemiolóxicos, relativas á superación da fase III nas diferentes provincias, illas ou unidades territoriais da súa Comunidade e, polo tanto, a súa entrada na “nova normalidade”. O Consello da Xunta de Galicia apreciou, en acordo do 13 de xuño de 2020, como autoridade sanitaria, que a Comunidade Autónoma de Galicia, estaba en condicións de superar a fase III do Plan para a desescalada das medidas extraordinarias adoptadas para facer fronte á pandemia de COVID-19 e, o Presidente da Xunta de Galicia, de acordo co disposto no artigo 6.2 do Real decreto 555/2020, do 5 de xuño, dispuxo formalmente, mediante o seu decreto 90/2020, do 13 de xuño, publicado no Diario Oficial de Galicia nº 115 Bis, desa mesma data, a superación da fase III do Plan para a desescalada das medidas extraordinarias adoptadas para facer fronte á pandemia do COVID-19, e, polo tanto, a entrada na “nova normalidade”, con efectos desde as 00.00 horas do día 15 de xuño de 2020.

 

En aplicación de todo o antedito, no Diario Oficial de Galicia nº 115, do 13 de xuño, publicouse a  resolución do 12 de xuño de 2020, da Secretaría Xeral Técnica da Consellería de Sanidade, pola que se dá publicidade do Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade.

 

Logo de ver o meu decreto 261/2020, do 18 de xuño, polo que resolvín adoptar distintas medidas do Concello de Carral en relación coa emerxencia de saúde pública causada polo virus COVID-19 superada a 3ª fase da desescalada para a transición cara a unha nova normalidade (5º decreto da alcaldía-18 de xuño de 2020).

 

Logo de ver, asemade, o escrito do 22 de xuño de 2020 remitido ao Concello pola directora xeral de Comercio e Consumo da Xunta de Galicia, no que indicaba que “(…)En base a todo o anterior, e tendo en conta as demandas do sector da venda ambulante, solicítase aos Concellos a procura de opcións de organización e celebración dos mercadillos que permitan a volta do 100% dos postos e dos traballadores do sector dentro das medidas de seguridade e prevención recollidas na normativa e nas diferentes guías de boas prácticas tanto estatal como autonómica que permiten:

– A ampliación do espazo establecendo 1,5 m de distancia entre persoas e entre postos

– De non ser posible a ampliación do espazo ou o distanciamento de 1,5m entre postos, o establecemento de pantallas separadoras ou outros elementos barreira entre os postos sempre co uso de máscara por parte de vendedores e clientes. (…)”.

 

Tendo en conta a competencia do Concello en materia de mercados, segundo o establecido no artigo 80, apartado 2, letra g) da Lei 5/1997, do 22 de xullo, de Administración Local de Galicia, e o artigo 25, apartado 2, letra i) da Lei 7/1985, do 2 de abril, Reguladora das Bases do Réxime Local e, en uso das atribucións que me confere o artigo 21.1.da Lei 7/1985, do 2 de abril, reguladora das bases do réxime local, e, en especial, as súas letras d) e m),

 

R E S O L V O

 

1.- Proceder, dende o 28 de xuño de 2020, á reapertura dos mercados tradicionais que desenvolven a súa actividade ao aire libre ou de venda non sedentaria na vía pública (feira ou mercadillo), nos días en que se viñan realizando no Concello de Carral (4, 13 e derradeiro domingo do mes), cos postos habituais que contasen coa correspondente autorización do Concello.

 

2.-A realización dos mercados quedará suxeita ás condicións establecidas na normativa aplicable e nos protocolos e guías de boas prácticas que se indican no anexo a este decreto. Aos efectos de compensar a limitación establecida no parágrafo primeiro do punto 3.8.1 da Resolución do 12 de xuño de 2020, da Secretaría Xeral Técnica da Consellería de Sanidade , pola que se dá publicidade Ao Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade (DOG 115, do 13 de xuño), de acordo co establecido no parágrafo segundo de tal precepto, o mercado realizarse nas rúas Victor Velasco (até a rotonda), Belvís (até o cruce coa rúa Méndez Búa), e aumentarase a rúa Campo da Feira (zona que se sinalizará), aos efectos de poder cumprir os requisitos de distanciamento entre postos e as condicións de delimitación do mercado co obxectivo de procurar manter a distancia de seguridade inter­persoal entre traballadores, clientes e viandantes.

3.- Este decreto entrará en vigor dende a súa emisión e manterá a súa vixencia até novo aviso, en función das directrices que emitan as autoridades sanitarias e demais competentes segundo a evolución da situación.

4.- Comunicar este decreto aos servizos municipais (que haberán de transmitilo, pola súa banda, aos diferentes prestadores dos servizos afectados), e publicalo na páxina web do Concello de Carral, no Boletín Oficial da Provincia da Coruña e difundilo  entre a poboación do municipio.

Carral, na data de sinatura dixital que figura á marxe

O ALCALDE

Francisco Javier Gestal Pose

Visto o decreto,O SECRETARIO

Diego García Doval

 

 

ANEXO

 

MERCADOS QUE DESENVOLVEN A SÚA ACTIVIDADE NA VÍA PÚBLICA

 

Puntos 3.8 da Resolución do 12 de xuño de 2020, da Secretaría Xeral Técnica da Consellería de Sanidade , pola que se dá publicidade Ao Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade (DOG 115, do 13 de xuño)

 

“3.8. Mercados que desenvolven a súa actividade na vía pública.

 

1.-No caso dos mercados que desenvolven a súa actividade na vía pública ao aire libre ou de venda non sedentaria, coñecidos como mercadillos, non poderán superar o setenta e cinco por cento dos postos habituais ou autorizados, limitando a afluencia de clientes de maneira que se asegure o mantemento da distancia de seguridade interpersoal.

 

Os concellos poderán aumentar a superficie habilitada ou habilitar novos días para o exercicio desta actividade para compensar esta limitación.

 

Á hora de determinar os comerciantes que poden exercer a súa actividade, o concello poderá priorizar aqueles que comercializan produtos alimentarios e de primeira necesida­de, asegurando que non se manipulen os produtos comercializados neles por parte dos consumidores.

 

Os concellos establecerán requisitos de distanciamento entre postos e condicións de delimitación do mercado co obxectivo de procurar manter a distancia de seguridade inter­persoal entre traballadores, clientes e viandantes ou, na súa falta, será precisa a utilización de medidas alternativas de protección física con uso de máscara.

 

2.-Durante todo o proceso de atención ao consumidor deberá manterse a distancia de seguridade interpersoal establecida entre o vendedor e o consumidor, que poderá ser dun metro cando se conte con elementos de protección ou barreira.

 

3.-Deberá sinalarse de forma clara a distancia de seguridade interpersoal entre clientes, con marcas no chan ou mediante o uso de balizas, cartelaría e sinalización para aqueles casos en que sexa posible a atención individualizada de máis dun cliente ao mesmo tempo.

 

4.-Recoméndase a posta á disposición de dispensadores de xeles hidroalcohólicos ou desinfectantes con actividade viricida debidamente autorizados e rexistrados nas inmedia­cións dos mercados ao aire libre ou de venda non sedentaria na vía pública.

 

5.-Realizarase, polo menos unha vez ao día, unha limpeza e desinfección das insta­lacións con especial atención ás superficies de contacto máis frecuentes, especialmente mostradores e mesas ou outros elementos dos postos, anteparos, de ser o caso, teclados, terminais de pagamento, pantallas táctiles, ferramentas de traballo e outros elementos susceptibles de manipulación, prestando especial atención a aqueles utilizados por máis dun traballador.

 

6.-Procurarase evitar a manipulación directa dos produtos por parte dos clientes. ”

 

Serán de aplicación tamén as seguintes guías de boas prácticas:

 

 

Protocolo e Guía de Boas Prácticas dirixida á actividade dos mercados de venda non sedentaria aprobada polo Ministerio de Comercio, Industria e Turismo do Goberno de España

 

https://www.mincotur.gob.es/es-es/COVID-19/Documents/Protocolo_y_guia_de_buenas_practicas_dirigida_a_la_actividad_comercial.pdf

 

Entre outras cuestións, en tal documento indícase o seguinte:

 

“(…) Os mercados de venda non sedentaria poderán adaptarse ou manter a súa actividade nos lugares onde habitualmente se celebren, a condición de que o espazo onde se desenvolvan permita garantir que a afluencia de persoas non supere o aforo permitido polo concello cumprindo, no seu caso, coas ordes ministeriais segundo o establecido en cada fase de desescalada e cumprir cos requisitos de distancia mínima de seguridade entre persoas. Os Concellos poderán aumentar a superficie habilitada ou habilitar novos días ou horas para o exercicio desta actividade, sempre que se cumpran as condicións de aforo e distanciamento interpersoal e entre postos “.

 

Guía de recomendacións preventivas de saúde laboral ante o coronavirus nos mercados de venda non sedentaria, do 16 de xuño de 2020 (ISSGA, Instituto de Seguridade e Saúde Laboral de Galicia, da Consellaría de Economía, Emprego e Industria da Xunta de Galicia)

 

http://issga.xunta.gal/export/sites/default/recursos/descargas/documentacion/publicacions/GUxA_DE_RECOMENDACIxNS_PREVENTIVAS_Venda_ambulante_revisado_ISSGA.pdf

 

Entre outras cuestións, en tal documento indícase o seguinte:

 

“(…) Establecerase un acceso para entrada de público e outro distinto para a saída do re-cinto.

.-Controlar o aforo máximo permitido do lugar no que se celebren para garantir a distan-cia de seguridade interpersoal.

– Os concellos establecerán requisitos de distanciamento entre postos e condicións de delimitación do mercado co obxectivo de procurar manter a distancia de seguridade. A tal efecto, poderase distanciar os postos cun mínimo de 1,5 metros entre eles, salvo que teñan pantallas separadoras ou outros elementos barreira entre os postos co uso de máscara. (…)”

 

 

Protocolo básico municipal de actuación nos mercados que desenvolven a súa actividade na vía pública (dende o 28 de xuño de 2020).

 

A).-MEDIDAS XERAIS DE PROTECCION FRENTE AO VIRUS COVID 19 EN FEIRAS E MERCADOS AO AIRE LIBRE

1.-Distancia física interpersoal de 1,5 metros (MÍNIMO)

2.- Uso de solución hidroalcóholica

3.-Limpeza e desinfección de obxectos persoais de contacto frecuente

4.-Utilización obrigatoria de mascarillas.

5.- Calquera manipulación de productos á venda realizarase con hixiene de mans e mascarilla.

 

 

B).-MEDIDAS ORGANIZATIVAS POR PARTE DO CONCELLO

1.-Colocación de cartelería das medidas hixiénico-sanitarias nas entradas da feira.

2.-Limitación da zona de feira con barreiras e dispensadores de xel hidroalcohólico na entrada.

3.-Os postos estarán distanciados entre sí polo menos 1,5 metros.

4.-Coordinación da Policía Local e Protección Civil que velarán polo cumplimento da normativa establecida.

5.-O recinto contará con colectores de lixo para os residuos propios da actividade.

 

C).-MEDIDAS OBRIGATORIAS PARA AS PERSOAS VENDEDORAS

1.-Uso de mascarilla

2.-Obrigación de contar con expendedores de xel hidroalcohólico para uso do consumidor.

3.-Colocación de cinta para manter a distancia de seguridade.

4.-Limpeza e desinfección de superficies de contacto frecuente.

5.-Únicamente os vendedores poderán tocar os productos a excepción de textil, calzado, sombreiros que deberán usar as recomendacións específicas.

6.-Evitar a manipulación simultánea de productos e cartos sen hixienizar.

7.-En caso de devolución de productos déberase realizar a desinfección mantendo en cuarentena antes de poñelos de novo en venda. Realizarase a hixiene de mans antes e despois da manipulación dos produtos.

8.-En produtos de marroquinería expoñerase unha mostra dos artigos envoltos en plástico ou film para a súa fácil desinfección unha vez finalizada a xornada.

9.-En produtos textis, expoñerase unha mostra de prendas representativas da colección e o resto de xénero estará empaquetado e gardado por tallas.

10.-Non se recomenda o uso de probadores.

11.-Na venda de prendas “a barullo” os clientes deberán usar luvas dun so uso facilitadas polo vendedor.

12.-Na realización de probas de sombreiros e accesorios de cabeza usaranse protectores plásticos dun so uso.

 

DECRETO 272-2020 Medidas COVID19 (6º decreto)

DECRETO DA ALCALDÍA

ASUNTO: MEDIDAS DO CONCELLO DE CARRAL EN RELACIÓN COA EMERXENCIA DE SAÚDE PÚBLICA CAUSADA POLO VIRUS COVID-19 SUPERADA A 3ª FASE DA DESESCALADA  PARA A TRANSICIÓN CARA A UNHA NOVA NORMALIDADE (5º DECRETO DA ALCALDÍA-18 DE XUÑO DE 2020).

EXPEDIENTE: 2020/G003/000262

 

Logo de ditarse os meus decretos do 13 e do 16 de marzo para a adopción de medidas do Concello de Carral en relación coa emerxencia de saúde pública causada polo virus COVID-19.

Logo de ver, asemade, o meu decreto 193/2020, do 11 de maio, polo que resolvín proceder, dende o 13 de maio de 2020, á reapertura dos mercados tradicionais que desenvolven a súa actividade ao aire libre ou de venda non sedentaria na vía pública (feira ou mercadillo), nos días en que se viñan realizando no Concello de Carral (4, 13 e derradeiro domingo do mes), nas condicións establecidas en tal decreto, de acordo coa Orden SND/399/2020, de 9 de mayo e, no que non se opoña a ela, ás condicións de celebración dos mercados fixadas no artigo 2, apartado 3 da Orde do 23 de marzo de 2020 da Xunta de Galicia.

Logo de ver o Real Decreto 463/2020, de 14 de marzo, polo que se declarou o estado de alarma para a xestión da situación de crise sanitaria ocasionada polo COVID-19 (e as súas sucesivas prórrogas, a última das cales abrangue até as 00:00 horas do día 21 de xuño de 2020) , en especial, o establecido no texto vixente do seu artigo 7 con respecto á limitación da liberdade de circulación das persoas.

O Real decreto 555/2020, do 5 de xuño, polo que se prorroga o estado de alarma declarado polo Real decreto 463/2020, do 14 de marzo, preveu, no seu artigo 5, que a superación de todas as fases previstas no Plan para a desescalada das medidas extraordinarias adoptadas para facer fronte á pandemia de COVID-19, aprobado polo Consello de Ministros na súa reunión do 28 de abril de 2020, determinaría que quedasen sen efecto as medidas derivadas da declaración do estado de alarma, segundo as decisións das Comunidades Autónomas (artigo 6) consonte criterios sanitarios e epidemiolóxicos, relativas á superación da fase III nas diferentes provincias, illas ou unidades territoriais da súa Comunidade e, polo tanto, a súa entrada na “nova normalidade”. O Consello da Xunta de Galicia apreciou, en acordo do 13 de xuño de 2020, como autoridade sanitaria, que a Comunidade Autónoma de Galicia, estaba en condicións de superar a fase III do Plan para a desescalada das medidas extraordinarias adoptadas para facer fronte á pandemia de COVID-19 e, o Presidente da Xunta de Galicia, de acordo co disposto no artigo 6.2 do Real decreto 555/2020, do 5 de xuño, dispuxo formalmente, mediante o seu decreto 90/2020, do 13 de xuño, publicado no Diario Oficial de Galicia nº 115 Bis, desa mesma data, a superación da fase III do Plan para a desescalada das medidas extraordinarias adoptadas para facer fronte á pandemia do COVID-19, e, polo tanto, a entrada na “nova normalidade”, con efectos desde as 00.00 horas do día 15 de xuño de 2020.

 

En aplicación de todo o antedito, no Diario Oficial de Galicia nº 115, do 13 de xuño, publicouse a  resolución do 12 de xuño de 2020, da Secretaría Xeral Técnica da Consellería de Sanidade, pola que se dá publicidade do Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade.

 

Sendo por tanto necesario que o Concello de Carral adopte no seu territorio as medidas que, dentro do seu ámbito de competencias, contribúan no devandito senso e, en uso das atribucións que me confere o artigo 21.1.da Lei 7/1985, do 2 de abril, reguladora das bases do réxime local, e, en especial, as súas letras d) e m),

 

R E S O L V O

 

1.- Proceder, dende a data desta resolución, á reapertura das seguintes instalacións municipais do Concello de Carral:

 

Parques infantís

Pistas polideportivas ao aire libre (incluída a de skate e excluídas as de tenis e pádel)

Canchas de chave.

 

A súa utilización haberá de rexirse polo establecido nas disposicións aplicables a cada instalación no ANEXO I  a este decreto (no que se transcribe o punto 3.32  da Resolución do 12 de xuño de 2020, da Secretaría Xeral Técnica da Consellería de Sanidade (DOG 115, do 13 de xuño) e o protocolo municipal do Concello de Carral que o desenvolve)

 

 2.- Proceder, dende o luns 22 de xuño de 2020, á reapertura das seguintes instalacións municipais do Concello de Carral:

 

Pavillón polideportivo do Espiño

Campo municipal de fútbol Borja Rodríguez Ans

Galería municipal de tiro olímpico

 

A súa utilización haberá de rexirse polo establecido nas disposicións aplicables a cada instalación no ANEXO I a este decreto (no que se transcribe o punto 3.32  da Resolución do 12 de xuño de 2020, da Secretaría Xeral Técnica da Consellería de Sanidade (DOG 115, do 13 de xuño) e o protocolo municipal do Concello de Carral que o desenvolve)

 

3.- Proceder, dende o luns 22 de xuño de 2020, á reapertura da Biblioteca municipal do Concello de Carral (excluida a biblioteca infantil).

 

A súa utilización haberá de rexirse polo establecido no ANEXO II  a este decreto (no que se transcribe o punto 3.14  da Resolución do 12 de xuño de 2020, da Secretaría Xeral Técnica da Consellería de Sanidade (DOG 115, do 13 de xuño) e o protocolo municipal do Concello de Carral que o desenvolve)

 

4.- En relación cos mercados tradicionais que desenvolven a súa actividade ao aire libre ou de venda non sedentaria na vía pública (feira ou mercadillo), seguirán realizándose, até novo aviso, nas condicións establecidas no meu decreto 193/2020, do 11 de maio, polo que resolvín proceder, dende o 13 de maio de 2020, á súa reapertura [nos días en que se viñan realizando no Concello de Carral (4, 13 e derradeiro domingo do mes), nas condicións establecidas en tal decreto, de acordo coa Orden SND/399/2020, de 9 de mayo e, no que non se opoña a ela, coas condicións de celebración dos mercados fixadas no artigo 2, apartado 3 da Orde do 23 de marzo de 2020 da Xunta de Galicia].

 

5.-Manifestar que se prevé a reapertura dende o 01 de xullo das seguintes instalacións do Concello de Carral, mais que non se realizará sen que se confirme de forma previa mediante novo decreto desta Alcaldía:

 

Pistas de tenis

                Pistas de pádel

                Piscina municipal

Ximnasio do complexo deportivo municipal (agás o spa, que permanecerá pechado até novo aviso).

 

6.- Reiterar á cidadanía que, até novo aviso, reabriranse ao público a Casa do Concello, o Edificio Toñito Espiñeira (departamento de Servizos Sociais do Concello) a Casa da Cultura e o Local Interxeracional, nas seguintes condicións:

O horario de apertura ao público será, de luns a venres (non festivos), de 09 a 14 horas.

 

6.1).-Atenderase aos veciños preferentemente por medios telefónicos e telemáticos:

Casa do Concello:

Teléfono: 981 670 002

Correo electrónico: correo@carral.es

Sede electrónica:  http://sede.carral.es

Edificio Toñito Espiñeira. Servizos Sociais

Teléfono: 981 613 520

Correo electrónico: serviciossociales@carral.es

Sede electrónica:  http://sede.carral.es

Casa da Cultura

Teléfono: 981 672 580

Correo electrónico: cultura@carral.es ; deportes@carral.es ; biblioteca@carral.es

Sede electrónica:  http://sede.carral.es

(A biblioteca municipal rexerase polo indicado no punto 3 desta resolución)

Local Interxeracional

Teléfono: 981 672 580

Correo electrónico: omix@carral.es

Sede electrónica:  http://sede.carral.es

O local non realizará as actividades habituais ata que as condicións recomendadas o permitan, polo que o andar baixo permanecerá pechado ao público. Provisoriamente só estará aberto ao público o andar superior, onde se fará tanto atención telemática como atención presencial.

6.2).- Para ser atendidos de xeito presencial, recoméndase obter CITA PREVIA polos medios indicados.

Asemade, habilitouse na sede electrónica do Concello de Carral unha aplicación específica para a solicitude de cita previa para todos os departamentos municipais:

https://sede.carral.es/opencms/es/cita/index.html

 

7.-As restantes instalacións municipais non mencionadas nos puntos anteriores desta resolución permanecerán pechadas ao público até novo aviso.

 

8.- Este decreto entrará en vigor dende a súa emisión e manterá a súa vixencia até novo aviso, en función das directrices que emitan as autoridades sanitarias e demais competentes segundo a evolución da situación.

 

9.- Comunicar este decreto aos servizos municipais (que haberán de transmitilo, pola súa banda, aos diferentes prestadores dos servizos afectados), e publicalo na páxina web do Concello de Carral, no Boletín Oficial da Provincia da Coruña e difundilo  entre a poboación do municipio.

Carral, na data de sinatura dixital que figura á marxe

O ALCALDE

Francisco Javier Gestal Pose

Visto o decreto,O SECRETARIO

Diego García Doval

 

 

ANEXO I

 

PARQUES INFANTÍS E INSTALACIÓNS DEPORTIVAS MUNICIPAIS

 

Puntos 3.20 e 3.32  da Resolución do 12 de xuño de 2020, da Secretaría Xeral Técnica da Consellería de Sanidade , pola que se dá publicidade Ao Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade (DOG 115, do 13 de xuño)

 

“3.20. Actividade e instalacións deportivas.

 

1.-A práctica da actividade física e deportiva non federada, ao aire libre, poderá realizarse de forma individual ou colectiva, sen contacto físico, e ata un máximo de vinte e cinco persoas de forma simultánea. Nas instalacións e centros deportivos poderase realizar actividade deportiva en grupos de ata vinte e cinco persoas, sen contacto físico, e sempre que non se superen os dous terzos da capacidade máxima permitida.

 

2.-Deberán establecerse as medidas necesarias para procurar manter a distancia de seguridade interpersoal ou, na súa falta, a utilización de medidas alternativas de protección física.

 

3.-Cada instalación deportiva deberá publicar un protocolo para coñecemento xeral dos seus usuarios e que recollerá as distintas especificacións en función da tipoloxía de instalacións que, de ser o caso, poidan preverse nun protocolo básico aprobado polo Centro de Coordinación Operativa por proposta da Secretaría Xeral para o Deporte.

 

4.-Nas instalacións deportivas a actividade física e deportiva estará suxeita aos seguintes criterios xerais de uso:

 

a).-Con carácter xeral, non se compartirá ningún material e, se isto non fose posible, garantirase a presenza de elementos de hixiene para o seu uso continuado.

 

b).-As bolsas, mochilas ou efectos persoais só se poderán deixar nos espazos habilitados para ese fin.

 

c).-Os deportistas non poderán compartir alimentos, bebidas ou similares.

 

d).-Antes de entrar e ao saír do espazo asignado, deberán limparse as mans cos hidroxeles que deberán estar dispoñibles nos espazos habilitados para o efecto.

 

e).-Os técnicos, monitores ou adestradores deberán manter a distancia de seguridade interpersoal nas instalacións ou, na súa falta, utilizar máscara.

 

f).-Utilizarase a máscara durante o tempo de circulación entre espazos comúns nas instalacións, salvo que se poida garantir a distancia de seguridade interpersoal.

 

5.-Ademais do cumprimento xeral das medidas de hixiene e prevención establecidas, no caso de que nas instalacións se preste algún tipo de servizo de hostalaría e restauración, a prestación deste axustarase ao previsto nas condicións para a prestación do servizo nos establecementos de hostalaría e restauración

 

3.32. Parques e zonas deportivas de uso público ao aire libre.

 

1.-Os parques infantís, parques biosaudables, zonas deportivas, pistas skate ou espazos de uso público ao aire libre similares poderán estar abertos ao público sempre que neles se respecte unha capacidade máxima estimada dunha persoa por cada catro metros cadrados de espazo computable de superficie do recinto.

 

2.-Deberán establecerse as medidas necesarias para manter a distancia de seguridade interpersoal ou, no seu defecto, a utilización de medidas alternativas de protección física.

 

3.-Deberán aplicarse as medidas de hixiene e prevención establecidas, especialmente no que se refire a proceder diariamente á limpeza e desinfección destes espazos nas áreas de contacto das zonas comúns, tales como xogos das zonas infantís, aparatos de actividade física ou outro mobiliario urbano de uso compartido.

 

4.-Recoméndase dispor neses espazos, especialmente no que se refire a parques infantís, de dispensadores de xeles hidroalcohólicos ou desinfectantes con actividade viricida, debidamente autorizados e rexistrados, ou dunha solución xabonosa no caso de espazos para menores de dous anos de idade.”

 

 

Protocolo básico de actuación apertura de instalacións deportivas municipais do Concello de Carral (pistas deportivas ao aire libre, canchas de chave, pistas de tenis, pistas de pádel, pista Skate, galería de tiro olímpico, campo de fútbol e pavillóns deportivos)

 

A).-Normas xerais e características para o uso das instalacións deportivas municipais.

1.-Todas as instalacións deportivas municipais abrirán só unha vez se decrete e comunique dita  apertura desde o Concello de Carral.

2.-As instalacións ás que se refire este protocolo son: pistas deportivas ao aire libre, canchas de chave, pistas de tenis, pistas de pádel, campo de fútbol e pavillóns deportivos.

3.-A práctica da actividade física e deportiva non federada, nas instalacións ao aire libre, poderá realizarse de forma individual ou colectiva, sen contacto físico, e ata un máximo de vinte e cinco persoas de forma simultánea. Nas instalacións pechadas, como condicionante do anterior, non se deberá superar o 75 % do aforo.

4.-Poderase realizar actividade de adestramento de tipo medio (actividade individual) e realización de accións tácticas específicas, sempre garantindo a distancia social

5.-Non se poderá facer uso dos vestiarios nin bancadas, nin ambigús sociais.

6.-Con carácter xeral, non está permitido compartir ningún material de adestramento. No caso de non ser posible, garantirase a presenza de elementos de hixiene para o seu uso continuado.

7.-Na medida do posible, cada entidade traer e levar o seu propio material de adestramento, que  deberá desinfectar o ao finalizar cada sesión de traballo.

8.-As bolsas, mochilas ou efectos persoais só se poderán deixar nos espazos habilitados para ese fin.

9.-Nos pavillóns e campo de fútbol, o calzado deportivo para adestramento será distinto ao calzado de acceso á instalación e os usuarios/ as virán vestidos coa roupa que utilizarán para os adestramentos.

10.-Os deportistas non poderán compartir alimentos, bebidas ou similares.

11.-Nas instalacións cubertas e con control de acceso por parte do concello, antes de entrar e ao saír do espazo asignado, deberán limparse as mans cos hidroxeles.

12.-O uso das máscaras é obrigatorio durante o tempo de circulación entre espazos comúns nas instalacións, non así durante a práctica deportiva.

13.-Cando os houbera, os técnicos, monitores ou adestradores deberán manter as medidas de seguridade necesarias, preferiblemente o distanciamento social ou, de non ser posible, o uso de máscara.

14.-NON  está permitido nin o acceso nin a permanencia de público (espectadores, pais/nais, e outros acompañantes non esenciais para a práctica deportiva) ás instalacións deportivas municipais. O acceso dos/as deportistas menores de idade, quedará baixo o control dos adestradores/as de cada sesión.

15.-Todas as entidades deportivas federadas que soliciten o uso das Instalacións deportivas municipais presentarán un protocolo básico adaptado a súa práctica deportiva específica, onde deberá aparecer a lo menos:

a).-Persoa RESPONSABLE da vixilancia e cumprimento do protocolo da entidade. Esta persoa ademais comunicará ao servizo municipal de deportes calquera incidencia que se producise na instalación ou na práctica deportiva relativa a estas medidas de seguridade.

b).-Relación de deportistas ( nome e apelidos, DNI, categoría, horario e responsable do grupo).

c).-Dita documentación será enviada ao servizo municipal de deportes mediante correo electrónico polo menos con 24 horas de antelación para a correspondente autorización municipal. A entidade estará obrigada a gardar e custodiar a relación de usuarios/ as.

16.-Non se poderá acceder á instalación sen autorización municipal.

17.-As entidades garantirán o lavado de mans cos hidroxeis dos seus deportistas cando accedan e abandonen ás instalacións deportivas, así como o uso da máscara nas zonas comúns e que se manteña a distancia social de 1,5 m. Vixiará tamén que os seus deportistas ou representantes NON accedan ás instalacións con síntomas compatibles co  Covid -19.

 

B).-Normas específicas para as pistas deportivas ao aire libre, pistas de tenis, pista de skate e canchas de chave.

1.-A apertura destas instalacións está dirixida á veciñanza en xeral cuxa intención sexa a práctica da actividade física e/ou deportiva.

2.-O aforo destas instalacións deberá respectar a norma de 4 m² por usuario, ata un máximo de 25 persoas de xeito simultáneo.  A práctica da actividade física e deportiva poderá realizarse de forma individual ou colectiva, sen contacto físico

3.-Deberase manter a distancia interpersoal de seguridade de 1,5 m, e se non fose posible deberase usar máscara.

4.-Non se establece un horario de uso definido para estas instalacións.

5.-Naquelas instalacións que o permitan, usarase unha porta de entrada e outra de saída.

6.-Os vestiarios dos locais sociais das pistas ao aire libre permanecerán pechados.

 

C).-Normas específicas para os pavillóns deportivos, galería de tiro olímpico, pistas de pádel e campo de fútbol municipais.

 

1.-A apertura deste tipo de instalacións diríxese unicamente aos clubs e entidades deportivas sitas no concello de Carral.

2.-A práctica da actividade física e deportiva non federada poderá realizarse de forma individual ou colectiva, sen contacto físico, e ata un máximo de vinte e cinco persoas de forma simultánea. O aforo non se deberá superar o 75 % do aforo, respectando sempre a premisa de 4 m² por deportista.

3.-A entrada e saída aos pavillóns farase na medida do posible por distintas portas. De non ser posible, farase por quendas, para evitar a aglomeración dos deportistas.

4.-Cando os deportistas entren na instalación deberán lavar as mans con hidroxeles, e desinfectar o calzado nun felpudo previsto para esa función. Antes de abandonar a instalación, os usuarios deben desinfectar as mans con hidroxeles.

5.-O uso das máscaras é obrigatorio durante o tempo de circulación entre espazos comúns nas instalacións, non así durante a práctica deportiva.

6.-Non se poderá facer uso dos vestiarios nin bancadas, nin ambigús sociais.

7.-Con carácter xeral, non está permitido compartir ningún material de adestramento. Na medida do posible, cada entidade deberá traer e levar o seu propio material de adestramento, que  terá que desinfectar o ao finalizar cada sesión de traballo.

8.-Establecerase unha zona para depositar as bolsas, mochilas ou efectos persoais durante o adestramento.

9.-O calzado deportivo para adestramento será distinto ao calzado de acceso á instalación e os usuarios/ as virán vestidos coa roupa que utilizarán para os adestramentos.

10.-Os técnicos, monitores ou adestradores deberán manter as medidas de seguridade necesarias, preferiblemente o distanciamento social ou, de non ser posible, o uso de máscara.

11.-Cada club deberá presentar un protocolo segundo se describe anteriormente nas normas xerais.

12.-NON  está permitido nin o acceso nin a permanencia de público (espectadores, pais/nais, e outros acompañantes non esenciais para a práctica deportiva) ás instalacións deportivas municipais. O acceso dos/as deportistas menores de idade, quedará baixo o control dos adestradores/as de cada sesión.

13.-Non se permite compartir a sesión de adestramento con deportistas doutras entidades, exceptuando as actividades propias de campus ou campamentos deportivos que dispoñan de autorización municipal, que requirirán un protocolo específico que a entidade organizadora deberá presentar ao servizo municipal de deportes.

14.-Existirá un tempo de 15 minutos entre os diferentes grupos de adestramento para garantir unha entrada e saída segura dos diferentes grupos de deportistas, ou de ser preciso, a correspondente desinfección.

15.-O uso destas instalacións será previa solicitude na que se detallará os grupos, as horas solicitadas e a relación de todos os usuarios nesa franxa horaria.

16.-O cobro polo aluguer das instalacións farase mediante transferencia ou tarxeta bancaria, nunca en metálico.

17.-Os horarios de uso destas instalacións:

De 10.00 – 14.00 h e de 16.00 – 22.00 h

Cun máximo de 25 usuarios por franxa horaria.

 

 

ANEXO II

 

BIBLIOTECA MUNICIPAL

 

Punto 3.14  da Resolución do 12 de xuño de 2020, da Secretaría Xeral Técnica da Consellería de Sanidade , pola que se dá publicidade Ao Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade (DOG 115, do 13 de xuño)

 

“3.14. Bibliotecas.

1.-As bibliotecas, tanto de titularidade pública como privada, prestarán os servizos para as actividades de préstamo e devolución de obras, lectura en sala, información bibliográfica e bibliotecaria e préstamo interbibliotecario, así como o resto de actividades ordinarias propias do servizo bibliotecario, sen que na ocupación de salas podan superar o setenta e cinco por cento sobre a súa capacidade ou capacidade máxima permitida Este límite de ocupación será aplicable tamén á realización de actividades culturais nelas.

2.-Poderase facer uso dos medios tecnolóxicos das bibliotecas destinados para o uso público, así como de catálogos de acceso público en liña, catálogos en fichas da biblioteca ou publicacións electrónicas.

3.-Deberán establecerse as medidas necesarias para manter a distancia de seguridade interpersoal nas súas instalacións ou, na súa falta, a utilización de medidas alternativas de protección física con uso de máscara.

4.-Ademais do cumprimento xeral das medidas de hixiene e prevención establecidas, no caso de que no establecemento se preste algún tipo de servizo de hostalaría e restauración, a prestación deste axustarase ao previsto nas condicións para a prestación do servizo nos establecementos de hostalaría e restauración.”

 

Protocolo básico de actuación apertura da Biblioteca  municipal do Concello de Carral

 

A Biblioteca municipal (Casa da Cultura) abrirá ao público nas seguintes condicións:

1.-Horario: de luns a venres de 10:00 a 14:00 h.

2.-Servizos que se ofrecen:

Préstamo de libros e audiovisuais

Lectura en sala

Uso dos ordenadores públicos

3.-A atención ao público farase no mostrador da Biblioteca.

4.-O aforo queda fixado en 23 persoas.

5.-O uso da máscara é obrigatorio durante todo o tempo de permanencia nas instalacións da Casa da Cultura, incluída a Biblioteca.

6.-É obrigatorio a hixiene de mans á entrada da Biblioteca co hidroxel dispoñible no acceso.

7.-O préstamo farase nas seguintes condicións:

a).-As persoas usuarias non terán acceso directo á colección .

b).-Priorizarase a atención con cita previa, solicitando os exemplares desexados chamando ao 981 672 580 ou enviando un correo a biblioteca@carral.es.

c).-Presencialmente poderase solicitar o préstamo de exemplares. Será o persoal da Biblioteca quen se encargue da busca e entrega da obra solicitada.

d).-Para consultar o catálogo e dispoñibilidade de obras, accederase a https://rbgalicia.xunta.gal/es/biblioteca-publica-municipal-de-carral.

e).-Para a devolución de libros ou audiovisuais existen as seguintes opcións:

e.1).-Pódese depositar na caixa do correo da Casa da Cultura (sinalizado como “Buzón” xunto ás portas principais) en calquera horario.

e.2).-Se non require solicitar un novo préstamo, e dentro do horario de apertura da Casa da Cultura (de 9:00 a 14:00 h.), pódese deixar no mostrador da planta baixa.

e.3).-Se require solicitar un novo préstamo, pódese facer no mostrador da Biblioteca.

8.-A lectura nas mesas realizarase nos postos sinalados, mantendo as distancias interpersoais coas restantes persoas e evitando colocar moitos obxectos (libretas, lapis, carteiras, lentes, teléfonos, ordenadores, tabletas…) enriba das mesas.

9.-Recoméndase que o tempo de lectura nas mesas ou butacas non supere as dúas (2) horas.

10.-Poderanse usar para a lectura as butacas, sen que se poidan desprazar.

11.-O uso dos ordenadores públicos estará restrinxido a 30 minutos por persoa.

12.-Se manteñen as prohibicións de comer ou beber na Biblioteca.

13.-Respecte a sinalización e as indicacións das bibliotecarias.

 

DECRETO 261-2020 Medidas COVID19 (5º decreto)

Por decreto da alcaldía do 16 de xuño de 2020 resolveuse aprobar a listaxe definitiva de admitidos e excluídos dos candidatos presentados no procedemento de selección para a contratación laboral temporal de tres albaneis e un electricista (oficiais de segunda), a xornada parcial, durante seis meses, ao abeiro do programa PEL-Concellos 2020, así como nomear aos membros do tribunal e fixar o dia e a hora da entrevista profesional.

Co fin de dar cumprimento ao establecido no punto sétimo das bases que rexen a contratación públicase o presente anuncio.

hora e lugar entrevista

DECRETO 259-2020 Admitidos excluidos definitivos, tribunal, entrevista selección 4 oficiais PEL 2020

 

Por decreto da alcadía nº 245/2020, do 10 de xuño, resolveuse aprobar a listaxe provisional de admitidos e excluídos dos candidatos/as presentados  para a contratación laboral temporal de catro oficiais de segunda (tres albaneis e un electricista) , a xornada parcial, ao abeiro do programa PEL-Concellos 2020

Outórgaselle aos interesados un prazo de DOUS DÍAS HÁBILES para reclamacións ou coreccións segundo o establecido nas bases que rexen o procedemento.

Para calquera dúbida ou aclaración poden dirixirse ao departamento de Persoal no 981670002

 

Modelo Decreto adm.provisional

A Alcaldía do Concello de Carral, o día 01 de xuño de 2020, entre outros, ditou o seguinte decreto:

“DECRETO DA ALCALDÍA

ASUNTO: Novo prazo para presentación de solicitudes de axudas ao estudo do Concello de Carral para estudantes para o curso 2019/2020

EXPEDIENTE: 2020/G003/000235

 Logo de ver que no Boletín Oficial da Provincia da Coruña nº 51, do 16 de marzo de 2020, se publicou  a convocatoria do Concello de Carral para axudas ao estudo do Concello de Carral para estudantes para o curso 2019/2020, en cuxas bases reguladoras se establecía coma prazo de presentación de solicitudes o de de quince días hábiles que se contarían dende o día seguinte ao da publicación do extracto da convocatoria no Boletín Oficial da Provincia da Coruña, a través da Base de Datos Nacional de Subvencións (BDNS).

Logo de ver que a Disposición Adicional 3ª.1 do Real Decreto 463/2020, de 14 de marzo, polo que se declarou o estado de alarma para a xestión da situación de crise sanitaria ocasionada polo COVID-19 estableceuLogo de ver que  que “Se suspenden términos y se interrumpen los plazos para la tramitación de los procedimientos de las entidades del sector público. El cómputo de los plazos se reanudará en el momento en que pierda vigencia el presente real decreto o, en su caso, las prórrogas del mismo”.

Logo de ver que, en cumprimento do devandito precepto, o prazo para a presentación de solicitudes en relación coas referida convocatoria quedou interrompido, sen que puidese transcorrer ningún día del,  e indicouse que se fixaría de novo en canto fose posible legalmente., e que de todo iso se daría conta polos mesmos medios de publicidade establecidos nas respectivas bases reguladoras.

Logo de ver que o artigo 9 do “Real Decreto 537/2020, de 22 de mayo, por el que se prorroga el estado de alarma declarado por el Real Decreto 463/2020, de 14 de marzo, por el que se declara el estado de alarma para la gestión de la situación de crisis sanitaria ocasionada por el COVID-19” establece que “Plazos administrativos suspendidos en virtud del Real Decreto 463/2020, de 14 de marzo. Con efectos desde el 1 de junio de 2020, el cómputo de los plazos administrativos que hubieran sido suspendidos se reanudará, o se reiniciará, si así se hubiera previsto en una norma con rango de ley aprobada durante la vigencia del estado de alarma y sus prórrogas.

En uso das atribucións que me confere o artigo 21.1 da Lei 7/1985, do 2 de abril, reguladora das bases do réxime local , RESOLVO

 1).- Advocar, ao non estar prevista a realización de ningunha sesión da Xunta de Goberno Local nas actuais circunstancias, as miñas atribucións delegadas nese órgano mediante o meu decreto 315/2019, do 18 de xullo correspondentes á aprobación, disposición do gasto e recoñecemento das obrigas, dentro dos límites da atribución orixinaria da Alcaldía, e á aprobación das bases de subvencións e axudas convocadas polo Concello e resolución da súa concesión.

2).- Fixar, en función da previsión de posibilidades de atención presencial por parte do persoal do Concello para a presentación de solicitudes de axudas ao estudo do Concello de Carral para estudantes para o curso 2019/2020, un novo prazo  de quince días hábiles, dende o 08 de xuño de 2020 ata o 30 de xuño (incluido)

 3).- Publicar este decreto na páxina web do Concello (carral.es) e  no Boletín Oficial da Provincia da Coruña (sen prexuízo de que o anuncio se poida inserir adicionalmente nos taboleiros de edictos dos diferentes edificios municipais).

Contra o contido deste decreto, que pon fin á vía administrativa (art.114.1.c) da Lei 39/2015, do 1 de outubro, do procedemento administrativo común das Administracións Públicas), poderá interpoñer os seguintes recursos:

RECURSO POTESTATIVO DE REPOSICIÓN, perante o Señor Alcalde (art. 115 c) ROF), no prazo dun mes a partires do día seguinte ao que reciba esta notificación. (arts. 112, 123 e 124 da Lei 39/2015, do 1 de outubro, do procedemento administrativo común das Administracións Públicas).

RECURSO CONTENCIOSO-ADMINISTRATIVO, perante o órgano da Xurisdición Contencioso-Administrativa que indica a Lei 29/1988, de 13 de xullo e no prazo establecido nela.

CALQUERA OUTRO que vostede estime oportuno.

Carral, 01 de xuño de 2020

O ALCALDE

Francisco Javier Gestal Pose

DECRETO 232-2020 Novo prazo para presentación de solicitudes de axudas estudo 2019-2020